"قازاقستان تەمىر جولى" ۇك "اق” قتج) فيليالىندا كادرلىق ەسەپتە بار، بىراق جۇمىستا جوق ادامدار ايلىق الىپ كەلگەن.

"قازىرگى ۋاقىتتا ءىس ماتەريالدارى استانا قالاسىنىڭ قىلمىستىق ىستەر جونىندەگى اۋدانارالىق سوتىندا قارالۋدا. قتج تەرگەۋگە تولىق كومەك كورسەتەدى", - دەلىنگەن حابارلامادا.

قتج تەكسەرۋ كوميسسياسى ىشكى تەكسەرۋلەر بارىسىندا "قتج "ۇك" اق – "اۆتوماتتاندىرۋ جانە تسيفرلاندىرۋ ديرەكتسياسى" فيليالىندا قىزمەتكەرلەردىڭ رەسمي ەڭبەك قىزمەتىندە بولماعان فاكتىلەرىن انىقتادى. تەكسەرۋ ماتەريالدارى قۇقىق قورعاۋ ورگاندارىنا بەرىلگەن.

دەرەكتەرگە قاراعاندا، استانا قالاسى بويىنشا سىبايلاس جەمقورلىققا قارسى قىزمەت سوتقا دەيىنگى تەرگەۋ جۇرگىزگەن. تەرگەۋ بارىسىندا 21 ملن تەڭگە شىعىن كەلتىرىلگەنى انىقتالعان.

فيليال باسشىسىنىڭ تاپسىرماسى بويىنشا وتىرىك  جۇمىسپەن قامتىلعان ادامداردىڭ جەكە تۇرعىن ءۇي قۇرىلىسىنا قاتىسقانى اتاپ كورسەتىلەدى. قتج جابىرلەنۋشى تاراپ دەپ تانىلعان.

Abai.kz