2024 جىلدىڭ 30 قازانى مەن 3 قاراشا ارالىعىندا جامبىل وبلىسىندا "بورىشكەر – 2024" جەدەل الدىن الۋ ءىس-شاراسى وتكىزىلۋدە.

پروفيلاكتيكالىق ءىس-شارانىڭ ماقساتى – قۇقىق بۇزۋشىلاردان سالىنعان ايىپپۇلداردى ءوندىرىپ، سونداي-اق حالىقتى اكىمشىلىك ايىپپۇلداردى ۋاقىتىلى وتەۋ قاجەتتىلىگى تۋرالى حاباردار ەتۋ.

جولداعى رەيدتەر كەزىندە پاترۋلدىك پوليتسيا قىزمەتكەرلەرى بورىشكەرلەردىڭ ءتيىستى دەرەكقورى بويىنشا كولىكتەردىڭ نومىرلەرىمەن تەكسەرۋدە. ەگەر جۇرگىزۋشى وسى تىزىمنەن تابىلسا، كولىك قارىزى وتەلگەنگە دەيىن ايىپ تۇراعىنا قويىلادى.

"رەيدتىڭ ءبىرىنشى كۇنىندە وندىرىلگەن سوما 14 ميلليون 950 مىڭ تەڭگەنى قۇرادى. پوليتسيا قىزمەتكەرلەرى بورىشكەرلەردىڭ 678 مەكەنجايى بويىنشا اۋلالارىن ارالاپ شىقتى. سوت ورىنداۋشىلارىنىڭ قاۋلىلارىنا سايكەس، مامانداندىرىلعان ايىپ تۇراعىنا 105 بورىشكەردىڭ اۆتوكولىگى قويىلدى", – دەدى جامبىل وبلىسى پد اكىمشىلىك پوليتسيا باسقارماسىنىڭ باستىعى نيكولاي سون.

ەستەرىڭىزگە سالساق، اكىمشىلىك ايىپپۇلدى جەتى كۇن ىشىندە وتەسەڭىز، ايىپپۇل سوماسىنىڭ 50 پايىز مولشەرىندە تولەۋگە مۇمكىندىك بار. ايىپپۇلداردى ونلاين رەجيمىندە ەلەكتروندىق ۇكىمەت پورتالىنىڭ كومەگىمەن egov.kz جانە qamqor.gov.kz, ەكىنشى دەڭگەيدەگى بانكتەردىڭ ەسەپ ايىرىسۋ-كاسسالىق بولىمشەلەرىندە، سونداي-اق ولاردىڭ موبيلدىك قوسىمشالارى ارقىلى تەكسەرۋگە جانە تولەۋگە بولادى.

Abai.kz