ەندى دالا ءورتىن دروندار باقىلايتىن بولادى. بۇل تۋرالى توتەنشە جاعدايلار ءمينيسترى شىڭعىس ءارىنوۆ ايتتى.  ۆەدومستۆو 120 ملن تەڭگەگە ارنايى درون ساتىپ الۋدى جوسپارلاپ وتىر ەكەن.

مينيستر بۇل جۇمىس پيلوتتىق جوبا اياسىندا ىسكە اسىرىلاتىنىن اتاپ ءوتتى.

ەلىمىزدە قىتاي دروندارىن قۇراستىرامىز. جۇمىستى قازاقستاندىق فيرما ىستەيدى. ءبىر دروننىڭ باعاسى – 120 ملن تەڭگە شاماسىندا. درون 150 مەترگە دەيىن كوتەرىلىپ، ءورتتى سوندىرە الادى. قۇرالدى كەز كەلگەن ءورت ءسوندىرۋشى كولىككە قويا الامىز، – دەدى ءارىنوۆ ۇكىمەتتىڭ ءباسپاسوز ورتالىعىندا.

ونىڭ ايتۋىنشا، اتالعان دروندار الماتى جانە تاعى باسقا قالالارداعى بيىك عيماراتتا شىققان ءورتتى سوندىرۋگە قولدانىلادى.

«ءبىز تاجىريبەمىزدى تاعى جەتىلدىرەمىز. كەلىسىمشارت بويىنشا جوعارىدا اتالعان فيرما ءبىزدىڭ قىزمەتكەرلەردى (دروندى باسقارۋعا) ۇيرەتەدى»، – دەدى مينيستر.

Abai.kz