مەگاپوليستەگى تۇرعىن ءۇي̆ كەشەندەرىنىڭ بىرىندەگى جالدامالى پاتەردە اۆتوماتتى تەلەفون ستانيتسياسىن (اتس) ۇي̆ىمداستىرعان 26 جاستاعى ەر ادام ۇستالدى. ول شەتەلدىك الاياقتاردىڭ قازاقستاندىقتارعا قوڭىراۋ شالۋىنا مۇمكىندىك بەرەتىن قۇرىلعىنى قوسىپ وتىرعان.

«ءۇي̆دى ءتىنتۋ كەزىندە 32 SIM-كارتا سلوتى بار SIM-قوراپ جابدىعى، سونداي̆-اق ۇيالى باي̆لانىس كومپانيالارىنىڭ بىرىنە تيەسىلى 285 دانا SIM كارتا تابىلدى. بۇل جابدىقتى ينتەرنەت-الاياقتار ءانونيمدى تۇردە ءارتۇرلى ينتەرنەت-قىزمەتتەردى جانە مەسسەندجەرلەردى، اككاۋنتتاردى تىركەۋ ءۇشىن پاي̆دالانادى، ولاردىڭ كومەگىمەن الاياقتار باسقا ەلدە بولا تۇرا قازاقستاندىقتارعا تەلەفون سوعادى. كۇدىكتى وسى جابدىقتى ورناتۋ، قوسۋ جانە سلوتتارداعى SIM كارتالاردى اۋىستىرۋدان تۇراتىن „جۇمىستى“ ينتەرنەتتەن تاپقانىن اي̆تتى. قازىرگى ۋاقىتتا قىلمىستىق ءىس اياسىندا جەدەل شارالار جۇرگىزىلۋدە. ۇستالعان ازامات قاماۋعا الىندى»، — دەدى الماتى قالاسى پوليتسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.