جاڭاوزەن مۇنايشىلارىنىڭ تاقىرىبى قوعامدا قىز-قىز قايناپ تۇرعان تاقىرىپتاردىڭ ءبىرى. اسىرەسە جاڭاوزەندەگى «بۇرعىلاۋ جۇمىستارى باسقارماسى» (بجب) مەكەمەسىنىڭ جۇمىسشىلارىنىڭ ەرەۋىلدەپ تۇرعانىنا از ۋاقىت بولعان جوق.

وسىنىڭ الدىندا عانا جاڭاوزەندەگى ەرەۋىلشىلەر الدىنا بارعان «وزەنمۇنايگاز» اق باس ديرەكتورى جانبولات سايماعامبەتوۆتىڭ بوقتىق سوزدەر ايتقانى الەۋمەتتىك جەلىلەرگە جەلدەي تاراعان. ەرەۋىلدەگەن مۇنايشىلاردىڭ الدىنا بارىپ، ديالوگقا شاقىرعان سايماعامبەتوۆتىڭ سوزىنشە: ەرەۋىل باستالعان العاشقىدا 2000-عا جۋىق ادام جۇمىسقا شىعۋدان باس تارتقان. كەيىن ارقايسىنا ءتۇسىندىرۋ جۇمىستارى جۇرگىزىلىپ، تالاپ-تىلەكتەرى ەسكەرىلىپ، ديالوگ ارقىلى كوپشىلىگى جۇمىستارىنا ورالعان. قازىر 280-نەن استامى عانا قالعان.

ال ۆيدەودا ول سايماعامبەتوۆ دورەكى سويلەپ، ۇرسىپ تۇرعان ادام «بارلاۋ جۇمىستارى باسقارماسى» مەكەمەسىنىڭ كاسىپوداق توراعاسى تاعان قاشانوۆ دەگەن كىسى كورىنەدى.

وسىدان سوڭ، الەۋمەتتىك جەلىلەر مەن باق-قا ءدال وسى تاعان قاشانوۆقا قاتىستى دا تىڭ اقپاراتتار تارادى. ونىڭ وتكەنى مەن قازىرگى قىزمەتىنە قاتىستى دەرەكتەر تاراۋدا. وندا:

جاڭاوزەندە مۇنايشىلاردى ەرەۋىلگە باستاپ جۇرگەن بەلسەندى تاعان كاشانوۆتىڭ مەكەمەدە كولىك جۇرگىزۋشىسى رەتىندە ءبىر، پروفسويۋز ليدەرى رەتىندە ەكى ايلىق الاتىنى، ايلىق تابىسى 2 ملن تەڭگەگە جۋىقتايتىنى ايتىلادى. ماقساتى – پروفكومنان ايىرىلىپ قالماۋدىڭ قامى ەكەنى باياندالادى.

ونان سوڭ، تاعان قاشانوۆتىڭ «قىلمىستى وتكەنى» جايلى ءسوز بولادى. ناقتىلاپ ايتقاندا ەسىرتكىمەن ۇستالىپ، ءىستى بولعانى ايتىلادى. وقيعا 2021 جىلدىڭ 4 ساۋىرىندە، اقتاۋ حالىقارالىق اۋەجايىندا بولعان. تاگان قاشانوۆ اقتاۋدان شىمكەنتكە ۇشار الدىندا، اۋەجاي تەكسەرىسىنەن وتكەن. «راپيسكان» قۇرىلعىسى ارقىلى تەكسەرىستەن ءوتىپ جاتقاندا، شۇلىعىنىڭ ىشىنەن ەسىرتكى زاتى تابىلعان.

جەلىدەگى اقپاراتتا: قاشانوۆتىڭ وزىنە تاعىلعان ايىپتى تولىق مويىنداعانى، سونىڭ نەگىزىندە قر-سى قپك-ءنىڭ ست.ست.387-390, 392, 393, 395-398, 401-402, 529 باپتارىن باسشىلىققا الىپ، كاشانوۆ تاگان بوتابەكۇلىن قازاقستان رەسپۋبليكاسى قق-ءنىڭ 296-بابىنىڭ 3-بولىگىمەن كىنالى دەپ تانىعانى ايتىلادى.

ەسكەرتۋ: ماتەريالدا اتى اتالعان جەكەلەگەن تۇلعالار پىكىر بىلدىرەمىز دەسە، ولاردىڭ دا پىكىرلەرىن جاريالايتىن بولامىز.

ازىرگە ەكى ۆيدەوعا قاتىستى اقپارات وسى. قالعانىن وقىرمان ءوزى تارازىلاي جاتار...

Abai.kz