ازەربايجاننىڭ باكۋ قالاسىندا سور29 كونفەرەنتسياسى اياسىندا تۋريزمدەگى كليماتتىق شارالاردى كەڭەيتۋگە ارنالعان كەزدەسۋ ءوتتى.

تۋريزم جانە سپورت مينيسترلىگىنىڭ مالىمدەۋىنشە، جيىن بارىسىندا قازاقستان تۇراقتى تۋريزم سالاسىنداعى جەتىستىكتەرى مەن بولاشاق جوسپارلارىن تانىستىردى.

ءىس-شاراعا تۋريزم جانە سپورت ءمينيسترىنىڭ ورىنباسارى ەرجان ەركىنباەۆ، دۇنيەجۇزىلىك تۋريستىك ۇيىمنىڭ باس حاتشىسى زۋراب پولوليكاشۆيلي، ازەربايجان رەسپۋبليكاسىنىڭ مەملەكەتتىك تۋريزم اگەنتتىگىنىڭ توراعاسى فۋاد ناعيەۆ، سونداي-اق 20-دان استام ەلدىڭ جانە حالىقارالىق ۇيىمداردىڭ وكىلدەرى قاتىستى.

قازاقستاندا ۇلتتىق پاركتەر مەن قورىقتار قۇرامىندا قورعالاتىن بىرەگەي تابيعي ەكوجۇيەلەر بار. ءبىزدىڭ مىندەتىمىز – قورشاعان ورتاعا زيان كەلتىرمەستەن ەكونوميكالىق دامۋدى قامتاماسىز ەتۋ. ءبىز تۋريزم سالاسىندا كومىرقىشقىل كولەمىن ازايتۋعا جانە ەكولوگيالىق جاۋاپكەرشىلىكتى ارتتىرۋعا مۇمكىندىك بەرەتىن «جاسىل ستاندارتتاردى» ەنگىزۋدى جالعاستىرامىز، – دەدى ەرجان ەركىنباەۆ.

كەزدەسۋ بارىسىندا تۋريزم سالاسىنداعى كليماتتىق ارەكەتتەردى كۇشەيتۋگە باعىتتالعان باكۋ دەكلاراتسياسىنىڭ نەگىزگى باعىتتارى تالقىلاندى. قازاقستان ءتۋريزمنىڭ كليماتقا اسەرىن ازايتۋعا جانە تۇراقتى تاجىريبەلەردى حالىقارالىق ارەنادا ىلگەرىلەتۋگە باعىتتالعان بارلىق باستانى قولدايتىنىن ءبىلدىردى.

سونىمەن قاتار ەرجان ەركىنباەۆ قازاقستاننىڭ ەكولوگيالىق تۋريزم سالاسىنداعى جەتىستىكتەرىن، سونىڭ ىشىندە ساتى اۋىلىنىڭ Best Tourism Villages كونكۋرسىندا ۇزدىك شىققانىن جانە ITB Berlin حالىقارالىق كورمەسىندە «گۇلدەنگەن قاۋىمداستىقتار» اتىلىمىنداعى جەتىستىگىن اتاپ ءوتتى.

Abai.kz