2024 جىلدىڭ باسىنان بەرى قازاقستاندا ادام ساۋداسىنا قاتىستى 197 قىلمىس تىركەلدى، دەپ حابارلادى ەلوردادا ادام ساۋداسىنا قارسى ءىس-قيمىل تاقىرىبىنا ارعان جيىندا ءىىم ۇيىمداسقان قىلمىسقا قارسى كۇرەس دەپارتامەنتى باسشىسىنىڭ ورىنباسارى شىنار كوشەرباەۆا ءمالىم ەتتى.

«جىلدىڭ باسىنان بەرى ادام ساۋداسىنا قاتىستى 197 قىلمىس تىركەلگەن. ونىڭ ىشىندە 116-باپ بويىنشا 22 ءىس، ادام ۇرلاۋ – ءبىر ءىس، زاڭسىز باس بوستاندىعىنان ايىرۋ – 4 ءىس، ادام ساۋداسى – 17 ءىس ، كامەلەتكە تولماعانداردى جەزوكشەلىكپەن اينالىسۋعا تارتۋ – 15 ءىس، كامەلەتكە تولماعانداردى ساۋدالاۋ – 6 ءىس، ادامداردى جەزوكشەلىككە ماجبۇرلەۋ – 13 ءىس، جەزوكشەلىكپەن جانە جەڭگەتايلىقپەن اينالىسۋعا پريتوندار ۇيىمداستىرۋ – 119 ءىس»، - دەدى كوشەرباەۆا جۇما كۇنى.

2024 جىلى 10 ايدىڭ ىشىندە، ادام ساۋداسىمەن اينالىسقان 109 ادام سوتتالدى.

«قازاقستان وسى قىلمىستارعا جول بەرمەۋ باعىتىندا ايتارلىقتاي كۇش سالىپ جاتىر. الايدا ادام ساۋداسى قىلمىستارى ءالى دە تارالىپ جاتىر»،- دەدى ۆەدومستۆو وكىلى.

«ءىس جۇزىندە سەكس قۇلدىققا جانە ماجبۇرلەپ جۇمىسقا سالۋ، نارەستەلەردى ساۋدالاۋ، ادام اعزاسىن ساتۋ، قايىر تىلەۋگە ماجبۇرلەۋ سياقتى قىلمىستاردى انىقتاپ جاتامىز»، - دەدى كوشەرباەۆا.

Abai.kz