گرۋزيا پارلامەنتىنىڭ سپيكەرى شالۆا ءپاپۋاشۆيليدىڭ ايتۋىنشا، پرەزيدەنت وكىلەتىنىڭ مەرزىمى التى جىل ەمەس، بەس جىل بولۋى ءۇشىن سايلاۋ مەن يناۋگۋراتسيانىڭ بيىل وتكەنى ماڭىزدى.

بۇعان دەيىن "متاۆاري" وپپوزيتسيالىق ارناسى گرۋزيا پرەزيدەنتتىگىنە "گرۋزين ارمانىنىڭ" توراعاسى يراكلي گاريباشۆيلي مەن ەلدىڭ ءبىرىنشى پرەزيدەنتى زۆياد گامساحۋرديانىڭ ۇلى كونستانتين گامساحۋرديانىڭ كانديداتۋراسى قاراستىرىلىپ جاتىر دەپ حابارلاعان. الايدا بيلىكتە وتىرعان پارتيا جەتەكشىلەرىنىڭ ءبىرى مۇنى جوققا شىعاردى.

گرۋزيا پرەزيدەنتىن العاش رەت حالىق ەمەس، سايلاۋشىلار القاسى تاڭدايدى. القا قۇرامىنا 300 ادام كىرەدى، ونىڭ ىشىندە گرۋزيا پارلامەنتىنىڭ 150 دەپۋتاتى، ادجاريا مەن ابحازيا اۆتونوميالىق رەسپۋبليكاسى جوعارعى كەڭەستەرىنىڭ مۇشەلەرى بار.

Abai.kz