IT-سالانىڭ جوعارى بىلىكتى ماماندارىن دايارلاۋ باسىم مىندەت بولىپ تابىلادى. Astana Hub-تا ۇزدىك حالىقارالىق تاجىريبە ەسكەرىلىپ، قاجەتتى جاعدايلار جاسالعان. جاڭادان قۇرىلاتىن جاساندى ينتەللەكت ورتالىعى جاس دارىنداردى تارتۋ نۇكتەسىنە اينالۋعا ءتيىس. تسيفرلىق دامۋ،  عىلىم جانە جوعارى ءبىلىم، وقۋ-اعارتۋ مينيسترلىكتەرىنە Astana Hub-پەن جانە وڭىرلىك حابتارمەن ءوزارا تىعىز بايلانىسا وتىرىپ، ودان ءارى دامۋ جانە وقىتۋ تۇجىرىمداماسىن جاساۋ تاپسىرىلدى.

سونداي-اق ۆەنچۋرلىك قارجىلاندىرۋدى قولداۋ جۇيەسىندەگى تاسىلدەردى جاڭارتۋ كەرەكتىگىنە دە نازار اۋدارىلدى. قۇزىرلى مينيسترلىككە ءتيىستى قور قۇرۋ ماسەلەلەرىن تالقىلاۋ ءۇشىن ۆەنچۋرلىك نارىق وكىلدەرىمەن ۇكىمەتتىك دەڭگەيدە  كەزدەسۋ ۇيىمداستىرۋ تاپسىرىلدى.

Abai.kz