الماتى وبلىسى تالعار قالاسىنىڭ ماڭىندا 30 جاستاعى ەر ادامنىڭ ءمايىتى تابىلدى. بۇل تۋرالى وبلىستىق پوليتسيا حابارلادى.

پوليتسيا دەپارتامەنتىنىڭ مالىمەتىنە سايكەس، ول 4 قازان كۇنى قايتىس بولعان شەرزات پولاتتىڭ اعاسى. ەر ادام الدىن الا مالىمەت بويىنشا ءوز-وزىنە قول سالعان.

– اتالعان جاعدايى بويىنشا قىلمىستىق ءىس قوزعالدى. قازىرگى ۋاقىتتا بارلىق ءمان-جايدى انىقتاۋ ءۇشىن تەرگەۋ جۇمىستارى جۇرگىزىلىپ جاتىر. ازىرگە ءىستىڭ قىلمىستىق سيپاتى انىقتالعان جوق، - دەپ حابارلادى وبلىستىق پد ءباسپاسوز قىزمەتى.

سونداي-اق پوليتسيا دەپارتامەنتىندە مارقۇم ش.پولاتتىڭ وتباسى وسى ۋاقىت بويى ءتارتىپ ساقشىلارىنىڭ قورعاۋىندا بولعانى حابارلاندى. سول كۇنى كۇزەتتە بولعان پوليتسيا قىزمەتكەرلەرىنىڭ ايۋتىنشا، ەر ادام ۇيدەن 23:30-دا شىعىپ، ءوز كولىگىمەن كەتىپ قالعان.

Abai.kz