رەسەيدە اناتولي ۆاسسەرمان دەگەن «بىلگىشسىماق» بار. ۋكراينانىڭ ودەسساسىنىڭ تۋماسى. بىراق، رەسەي بيلىگىنە ادال بەرىلگەن «قۇلاق كەستى قۇلداردىڭ ءبىرى.

جۋرناليست، ساياسي كەڭەسشى، «اقىلدىلار ويىندارىنا» قاتىسۋشى ت.ب. 2015 جىلى رەسەي ازاماتتىعىن سۇراپ العان. قازىر 72-دەگى بۇل ۆاسسەرمان رەسەي دۋماسىنىڭ دەپۋتاتى. ەو باستاعان 8 ەل بۇعان جەكە سانكتسيا سالعان. نە ءۇشىن دەسەڭىز: 2022 جىلى ۋكراينانىڭ دونەتسكى مەن لۋگانسكىسىن «جەكە مەملەكەت» دەپ مويىنداڭىز دەپ پۋتينگە وسى قايرىلعان. كەيىن ۋكرايناعا سوعىس اشۋدى قولداپ: «بۇل رەسەي تاريحىندا «ءتورت كۇندىك سوعىس» بولىپ جازىلادى»، - دەپ سويلەگەن. كەيىن: «سوعىس اياقتالعان سوڭ ۋكراينانىڭ تاۋەلسىزدىگىن مۇلدەم جويۋ كەرەك»، - دەپ كوكىگەن.

سول ۆاسسەرمان شال بۇيدەيدى: «كسرو-نىڭ قانداي دا ءبىر قالىپتا قايتا ءتىرىلۋى قاشىپ قۇتىلمايتىن شىندىق. ءبىز مۇنى 2025 جىلى ورىنداۋىمىز مۇمكىن. ولاي بولماعان جاعدايدا تاعى بىرنەشە جىل كۇتە تۇرۋعا تۋرالى كەلەدى.

نەگە قاشىپ قۇتىلماس شىندىق؟ ويتكەنى يمپەريالار ەرتە مە، كەش پە ىدىرايتىنى بەلگىلى. بۇل ءبىر-بىرىنەن وتە الىس قاشىقتىقتا ورنالاسقان ايماقتاردى قوسىپ، ءبىر ورتالىقتان باعىندىرىلعان وتارلىق يمپەريالارعا ءتان قاسيەت.

بىراق عاسىرلار بويى ىرگەلەس ءومىر سۇرگەن جانە عاسىرلار بويى ءوزارا ءتيىمدى ارەكەتتەستىك فورماتتارىن ىزدەگەن حالىقتاردان قۇرىلعان كونتينەنتتىك يمپەريالار دا بار.

كونتينەنتتىك يمپەريالار قانداي دا ءبىر سەبەپتەرمەن ىدىراسا دا، تەز قالپىنا كەلەدى. ەڭ قاراپايىم مىسال: قازىرگى ەۋروپالىق وداق.

رەسەي - كونتينەنتتىك يمپەريانىڭ كلاسسيكالىق ۇلگىسى. ول ءوز تاريحىندا بىرنەشە رەت قۇلاپ، ۇنەمى قالپىنا كەلىپ وتىردى. بۇل رەسەيدە تۇراتىن حالىقتاردىڭ ءوزارا ءتيىمدى ارەكەتتەستىك نىساندارىن دەربەس تاڭداعاندىقتان بولدى. سوندىقتان، بۇل جولى دا قايتا كۇش الامىز. كسرو-نىڭ قايتا جاڭعىرۋى 2025 جىلدان باستالۋى مۇمكىن»، - دەيدى.

بۇل رەسەيدەگى الجۋعا بەت العان كەزەكتى ءبىر كارى شالدىڭ ولەر الدىنداعى كەلمەسكە كەتكەن كسرو-نى ارمانداپ جاتىپ ايتقان بوس بىلشىلى عانا ەمەس. بۇل رەسەيدەگى ساياسي ورتانىڭ تۇپكى ويى، ارمان-مۇراتى. كەرەك دەسەڭىز، بۇل كرەملدىڭ پوزيتسياسى.

«ورىستان كورشىڭ بولسا، ايبالتاڭ قاسىڭدا بولسىن»، - دەگەن قازاقتىڭ ەجەلگى ءسوزى بۇگىن دە وزەكتىلىگىن جوعالپاي تۇر!

نۇرگەلدى ابدىعانيۇلى

Abai.kz