بولات ماجاعۇلوۆتى قاماۋعا الۋعا قاسىم-جومارت توقاەۆتىڭ دۋشانبەگە مەملەكەتتىك ساپارى اياسىندا وتكەن قازاقستاننىڭ تاجىكستانداعى مادەنيەت كۇندەرىنىڭ كوركەمدىك ءىس-شارالارىن قويۋعا قاتىسۋ ءۇشىن جوسپارلانعان ءىسساپارى سەبەپ بولىپ وتىر. بۇل تۋرالى ەكس-شەنەۋنىكتىڭ ادۆوكاتتارى رەداكتسيامىزعا حابارلاپ ايتتى.

بۇعان دەيىن ەسىل وزەنىندە «سولنتسە» سۋبۇرقاعىن سالۋ تۋرالى ءىستى قاراعان استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ماتەريالدارىندا بولات ماجاعۇلوۆتىڭ شەتەلگە ۇشاتىن بيلەتتەرىنىڭ بولۋىنا بايلانىستى تەرگەۋدەن جاسىرىنۋعا تىرىسقانى تۋرالى اقپارات بولعانىن ەستەرىڭىزگە سالامىز.

«سونىمەن قاتار، استانا قالاسى مادەنيەت باسقارماسى ەكس-باسشىسىنىڭ قورعاۋشىلارىنىڭ ايتۋىنشا، ونىڭ دۋشانبەگە ساپارى رەسمي بولعان. تەرگەۋ كەزەڭىندە سوتقا دەيىنگى تەرگەۋ ورگانىنىڭ كەلىسىمىمەن ول ءىس-شارا اياسىندا ونەر كورسەتكەن «قازاق اۋەندەرى» اق-ىڭ ءوتىنىشى نەگىزىندە قازاقستاننىڭ تاجىكستانداعى مادەنيەت كۇندەرىن دايىنداۋعا قاتىسۋ ءۇشىن شەتەلگە كەتكەن بولاتىن.

سۋرەت: ۆيدەو سكرينى.

ءىس-شاراعا «استانا بالەت» بالەت ترۋپپاسىنىڭ ارتىستەرى، حالىقارالىق بايقاۋلاردىڭ لاۋرەاتتارى، قازاقستاندىق ەسترادانىڭ بەلگىلى وكىلدەرى قاتىستى.

الايدا، ول قولىندا كەرى قايتۋ بيلەتى مەن رەسمي قۇجاتتار بولا تۇرا تەرگەۋ ورگانى شەتەلگە شىعۋعا كەلىسىم بەرمەگەندىكتەن، مەملەكەت باسشىلارىنىڭ قاتىسۋىمەن وتەتىن ءىس-شارانىڭ اشىلۋىنا بارۋدان باس تارتۋعا ءماجبۇر بولدى. وسىلايشا، تەرگەۋ بارىسىندا بولات ماجاعۇلوۆتىڭ سوت تورەلىگىنەن جاسىرىنۋعا تىرىسقانى تۋرالى اقپارات شىندىققا جاناسپايدى»، – دەپ اتاپ ءوتتى سوتتالۋشىنىڭ ادۆوكاتى بالاۋسا بەردىمبەتوۆا.

سۋرەت: الەۋمەتتىك جەلى سكرينى.

بولات ماجاعۇلوۆتىڭ قورعاۋشى ادۆوكاتتارى بالاۋسا بەردىمبەتوۆا مەن نۇرلان بەيسەكەەۆتىڭ ايتۋىنشا، ايىپتاۋ تاراپىنىڭ مۇنداي قادامى، سونداي-اق سوتتالۋشىعا قاتىستى قىلمىستىق ءىس جۇرگىزۋ زاڭناماسىن باسقا دا بۇزۋشىلىقتار سوت پروتسەسىنە قاتىسۋشىلارعا قىسىم كورسەتىپ، وبەكتيۆتى جانە ءادىل شەشىم قابىلداۋعا ەمەس، كەرىسىنشە ايىپتاۋ ۇكىمىنە مۇددەلىلىك بولماق.

رەداكتسيادان: Abai.kz ەركىن اقپارات الاڭى. مۇندا وي جارىستىرىپ، پىكىر تالاستىرۋعا قازاقستاننىڭ ءاربىر ازاماتى قۇقىلى. ماقالا رەداكتسيا ۇستانىمىن بىلدىرمەيدى جانە ماقالادا اتى اتالعان جەكەلەگەن تۇلعالار جاۋاپ بەرەمىن دەسە، پورتال بەتىندە جاريالايتىن بولامىز!

Abai.kz