قازاقتىڭ ءبىرتۋار ۇلى، قازاقستاننىڭ حالىق جازۋشىسى مۇحتار ماعاۋين ومىردەن ءوتتى. بۇل حاباردى جازۋشىنىڭ ۇلى ەدىگە ماعاۋين جەتكىزدى.

ەدىگە ماعاۋين:

«ارىستان اكەم فانيدەن باقيعا اتتانىپ كەتتى، اقش-تىڭ مەريلەند شتاتىنداعى ۇيىندە، بالا-شاعاسىنىڭ ورتاسىندا، 2025 جىلعى قاڭتاردىڭ 9-ى، جەرگىلىكتى ۋاقىت بويىنشا ساعات 19:55-تە (قازاقستان ۋاقىتى بويىنشا قاڭتاردىڭ 10-ى، ساعات تاڭعى 5:55).

«مىنا مەن – ايبىندى عۇن، ەرجۇرەك تۇرىك، كەمەڭگەر شىڭعىس حان، اسقاق التىن وردا، وعان جالعاس نۇر شۇعىلالى الاش اۋلەتى – بار عۇمىرى جارىققا ۇمتىلعان ارپالىس ۇستىندە وتكەن مۇحتار ماعاۋين – كوزىم جۇمىلعان مەزەتتە، بۇرناعى الاپات بابالارىم سياقتى، ولمەس، وشپەس، ماڭگىلىك ارۋاققا اينالام! ءيا!»

مۇحتار ماعاۋين

«كولمە-كول»

تولىق شىعارمالار جيناعى، 26-شى توم.

Abai.kz رەداكتسياسى مارقۇمنىڭ وتباسى، تۋعان-تۋىسىنا، بالا-شاعاسىنا قايعىرىپ، كوڭىل ايتامىز.

مۇحتار ماعاۋين

1940 جىلى 2 اقپاندا سەمەي وبلىسىنىڭ شۇبارتاۋ اۋدانىندا تۋعان. 1962 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن، 1965 جىلى اسپيرانتۋراسىن بىتىرگەن.

ەڭبەك جولى 1965 جىلدان باستالادى. «قازاق ادەبيەتى» گازەتىندە ءبولىم مەڭگەرۋشىسى، «جازۋشى» باسپاسىندا باس رەداكتوردىڭ ورىنباسارى، قازاق كسر عىلىم اكادەمياسىنىڭ م.اۋەزوۆ اتىنداعى ادەبيەت جانە ونەر ينستيتۋتىندا اعا عىلىمي قىزمەتكەر بولدى. «جازۋشى» باسپاسىنىڭ باس رەداكتورى «جۇلدىز» جۋرنالىنىڭ باس رەداكتورى بولدى.

«الاساپىران» تاريحي رومان-ديلوگياسى ءۇشىن قازاق كسر-ءىنىڭ اباي اتىنداعى مەملەكەتتىك سىيلىعى بەرىلدى. قازاقستاننىڭ حالىق جازۋشىسى. تۇركيانىڭ حالىقارالىق «تۇرىك دۇنيەسىنە قىزمەت» سىيلىعىنىڭ يەگەرى. «تارلان» سىيلىعىنىڭ لاۋرەاتى.

2006 جىلدىڭ جەلتوقسانىندا ەلدەن ءبىرجولا كەتىپ، چەح رەسپۋبليكاسىندا قونىستاندى. ونان سوڭ 2015 جىلى امەريكاعا تۇپكىلىكتى قونىس اۋداردى.

Abai.kz