قر ەڭبەك ەرى، مەملەكەتتىك سىيلىقتىڭ يەگەرى، جازۋشى دۋلات يسابەكوۆ قالامداس ارىپتەسى مۇحتار ماعاۋيننىڭ قايتىس بولعانىنا وراي، مارقۇمنىڭ وتباسىنا، ورمانداي كوپ وقىرمانىنا كوڭىل ايتتى.

دۋلات يسابەكوۆ:

– راس، مۇحاڭ ەكەۋىمىز كەيبىر ماسەلەلەردە كوزقاراسىمىز ءسال ۇيلەسپەي، كەلىسپەي قالعان كەزدەرىمىز بولدى. بىراق وندا تۇرعان ەشتەڭە جوق. پىكىر قايشىلىعى دەگەن بولا بەرەدى. باستىسى، مۇحتار ماعاۋين – قازاق ادەبيەتى، قازاق رۋحانياتى ءۇشىن عاجاپ ەڭبەكتەر جاساپ كەتتى. ءبىر عانا «بەس عاسىر جىرلايدىنىڭ» ءوزى نەگە تۇرادى؟ سول زاماندا مۇنى ول جاساماسا ەشكىم دە جاساماس ەدى. زەرتتەۋ ەڭبەكتەرىنەن بولەك، كوركەم شىعارمالارىنىڭ ءوزى – ۇلت تاريحىنىڭ ۇلكەن گالەرەياسى. بۇلاي ءونىمدى ەڭبەك ەتكەن قالامگەر بىزدە وتە سيرەك. يمانى سالامات، رۋحى شات بولسىن مۇحاڭنىڭ!

Abai.kz