ارمەنيا مەن اقش ستراتەگيالىق ىنتىماقتاستىق تۋرالى كەلىسىمگە قول قويدى. بۇل تۋرالى ازاتتىق راديوسى جازدى.

اقش مەملەكەتتىك حاتشىسى ەنتوني بلينكەن مەن ارمەنيا سىرتقى ىستەر ءمينيسترى ارارات ميرزويان 14 قاڭتاردا ۆاشينگتوندا قاۋىپسىزدىك سالاسىندا ەكى ەل اراسىنداعى ارىپتەستىكتى كەڭەيتۋ تۋرالى كەلىسىمگە قول قويدى.

اقش پەن ارمەنيا "ستراتەگيالىق ارىپتەستىك كوميسسياسىن" جاساقتاپ، قورعانىس، ەكونوميكا، دەموكراتيا ينستيتۋتىن دامىتۋ سياقتى سالالاردا بايلانىستى نىعايتۋ مۇمكىندىكتەرىن قاراستىرادى دەپ مالىمدەدى ەنتوني بلينكەن كەلىسىمگە قول قويۋ ءراسىمى كەزىندە.

ول سونىمەن بىرگە ارمەنياعا شەكارانى نىعايتۋ بويىنشا ساراپشىلىق كومەك كورسەتۋ ءۇشىن ماماندار توبى جىبەرىلەتىنىن دە ايتتى.

ارمەنيا كەيىنگى جىلدارى رەسەيدىڭ ىقپالى باسىم ۇجىمدىق قاۋىپسىزدىك شارتى ۇيىمىنا قاتىسۋىن توقتاتقان. ونىڭ الدىندا اتالعان ۇيىمنىڭ اسكەري جاتتىعۋلارىنا قاتىسۋدان باس تارتىپ، اقش-پەن بىرىگىپ ارميان-امەريكالىق جاتتىعۋلار ۇيىمداستىرعان. سەيسەنبى كۇنى رەسەي بۇل قادام ەرەۆاننىڭ ەۋرازيا ەكونوميكا وداعىنا مۇشەلىگىمەن قيىسپايدى دەپ مالىمدەدى.

Abai.kz