"روساتوم" باسشىسى ماسكەۋ مەن استانا اەس بويىنشا ورتاق شەشىم قابىلداۋعا بەت بۇردى دەپ مالىمدەدى. بەيسەنبى كۇنى "روساتوم" باسشىسى الەكسەي ليحاچەۆ رەسەي مەن قازاقستان پرەمەر-مينيسترلەرىنىڭ كەزدەسۋىندەگى تالقىلاۋدان وسىنداي قورىتىندى جاساۋعا بولادى دەدى. بۇل تۋرالى "ريا نوۆوستي" جازدى.

"بۇگىن ەلدەرىمىزدىڭ ۇكىمەت باسشىلارىنىڭ كەزدەسۋىندەگى تالقىلاۋلار مازمۇنىنا سۇيەنە وتىرىپ، ورتاق شەشىم قابىلداۋعا بەت بۇردىق دەپ قورىتىندى جاساۋعا بولادى" - دەدى ليحاچەۆ.

ليحاچەۆ قازاقستان اەس سالۋ ماسەلەسىن "كاسىبي تۇردە زەرتتەپ", بىرنەشە ۆەندورمەن جۇمىس ىستەپ جاتىر دەپ ايتقان.

"روساتوم" باسشىسىنىڭ ايتۋىنشا، جاقىندا قازاقستان دەلەگاتسياسى لەنينگراد اتوم ەلەكتر ستانتسياسىنا بارعان.

ليحاچەۆ "روساتوم" قازاقستان اۋماعىندا اەس سالۋعا دايىن دەپ مالىمدەدى.

ال بەيسەنبى كۇنى ەۋرووداقتىڭ سانكتسيا جونىندەگى ارنايى ۋاكىلى دەۆيد و’سالليۆان قازاقستانداعى اەس قۇرىلىسىنا "روساتومنىڭ" قاتىسى جونىندە سۇراققا "ەو-دا بۇل بويىنشا ەرەكشە ۇستانىم جوق، سەبەبى قازاقستان - تاۋەلسىز مەملەكەت" دەدى.

Abai.kz