ەۋرووداق قازاقستانعا رەسەيگە قاتىستى سانكتسيالار ماسەلەسىندە تالاپ قويمايدى جانە بيلىكتىڭ وسى ماسەلەلەردى ءوز بەتىنشە شەشۋ ۇستانىمىن تولىق قۇرمەتتەيدى.

بۇل تۋرالى استاناداعى ءباسپاسوز كونفەرەنتسياسىندا ەۋرووداقتىڭ سانكتسيالار جونىندەگى ارنايى وكىلى دەۆيد و'سالليۆان مالىمدەدى.

«ءبىز ەشتەڭە سۇرامايمىز، قازاقستاننان قانداي دا ءبىر تاۋارلاردى ەكسپورتتاۋعا تىيىم سالۋدى ۇسىنبايمىز. بۇل ءبىزدىڭ قۇزىرەتىمىزدە ەمەس. ءبىز كەيبىر كومپانيالار قازاقستان ارقىلى يمپورتتايتىن جانە رەسەيگە ساتاتىن قازاقستاندا وندىرىلمەيتىن ەۋروپالىق تاۋارلار تۋرالى ايتىپ وتىرمىز»، - دەپ مالىمدەدى ارنايى وكىل.

ونىڭ ايتۋىنشا، مۇنى سانكتسيالانعان تاۋارلاردىڭ زاڭسىز ساۋداسى دەپ باعالاۋعا بولادى. بۇل ماسەلە قازاقستاندا وندىرىلەتىن نەمەسە ادەتتە قازاقستاننان رەسەيگە جەتكىزىلەتىن تاۋارلار تۋرالى ەمەس. «جالعىز ماقسات - سانكتسيالاردى اينالىپ ءوتۋ»، - دەدى و'سالليۆان.

Abai.kz