ۇلتتىق بانك ازاماتتار مەن زاڭدى تۇلعالاردى ساق بولۋعا جانە ينكاسساتسيا بويىنشا قىزمەتتەردى جۇزەگە اسىرۋعا ليتسەنزياسى بار ۇيىمداردىڭ قىزمەتىن پايدالانۋعا شاقىرادى، دەپ حابارلايدى inbusiness.kz سايتى.

ۇلتتىق بانك قۇندى زاتتاردى ينكاسساتسيالاۋ قىزمەتىن ۇسىناتىن كومپانيالاردىڭ ءتۇرلى ينتەرنەت-رەسۋرستاردا جاريالاناتىن حابارلامالارىنان ساق بولۋ كەرەك ەكەنىن ەسكەرتەدى.

سەبەبى ولاردىڭ اراسىندا ءتيىستى قۇب ليتسەنزياسى جوق كومپانيالار دا كەزىگىپ جاتادى.

«وزگە ۇيىمعا بەرىلگەن قۇب ليتسەنزياسىنىڭ رەكۆيزيتتەرىن زاڭسىز پايدالانىپ جۇرگەندەر بار. سونداي دەرەكتىڭ ءبىرى ءوزىن "Brinks" ينكاسساتسيا قىزمەتى" جشس دەپ اتايتىن ۇيىم سايتىندا (ونى شەتەلدىك The Brink's Company ينكاسساتورلىق كومپانياسىمەن شاتاستىرۋعا بولمايدى) ورنالاستىرىلعان. سول ارقىلى بۇل كومپانيا ءوز قىزمەتىنىڭ زاڭدى ەكەنىن كورسەتۋگە تىرىسقان. وسىنداي ۇيىمدارمەن شارت جاساسىپ، ولارعا قۇندى زاتتاردى ينكاسساتسياعا بەرۋ – تاۋەكەلى جوعارى ءىس. بەلگىلى ءبىر ۇيىمدا ليتسەنزيانىڭ بار-جوعىن تەكسەرۋ ءۇشىن قۇب سايتىندا ورنالاستىرىلعان ءتيىستى ليتسەنزياسى بار ۇيىمداردىڭ رەسمي تىزىلىمىمەن تانىسۋ قاجەت. قانداي دا ءبىر الاياقتىق ارەكەتكە تاپ بولعان جاعدايدا قازاقستان رەسپۋبليكاسىنىڭ قۇقىق قورعاۋ ورگاندارىنا ارىزبەن جۇگىنۋگە كەڭەس بەرەمىز، – دەلىنگەن حابارلامادا.

Abai.kz