باتىس قازاقستانداعى الما باعى مەن ءجۇزىم القابى اقش-تىڭ قازاقستانداعى بۇرىنعى ەلشىسى دەنيەل روزەنبليۋمدى نەلىكتەن قاتتى تاڭعالدىردى؟ ول اقش-قا ورالعان كەزدە قانداي ۇلتتىق تاعامدى ساعىنادى؟ بۇل تۋرالى ديپلومات «Kazakh Tourism» ۇك» اق باسقارما توراعاسى قايرات سادۋاقاسوۆتىڭ «Born Bold. Travel Boldcast» اۆتورلىق پودكاستىندا كەڭىنەن ايتىپ بەردى.

دەنيەل روزەنبليۋم قازاقستاندا ەڭبەك ەتكەن جىلدارى بارلىق وڭىرلەردى ارالاعان. تاريحي جانە تۋريستىك جەرلەردى زەردەلەگەن ديپلومات قازاقستانداعى ءتۋريزمنىڭ زور الەۋەتىن ەرەكشە اتاپ ءوتتى. ول پودكاست بارىسىندا ءوز اسەرلەرىمەن جانە قازاقستانداعى ساياحات تاجىريبەسىمەن ءبولىستى.

«مەنىڭ قازاق گەوگرافياسى جايلى تانىمىم امەريكالىقتان دا جاقسى»، — دەپ اتاپ ءوتتى بۇرىنعى ەلشى جانە باتىس قازاقستانعا جاساعان ساپارى تۋرالى اڭگىمەلەدى.

«مەن ورالعا ءىس-ساپار بارىسىندا الما باعى مەن ءجۇزىم القابىنا بارىپ، ۇمىتىلماس اسەر الدىم. بۇل ەرلى-زايىپتى عالىم-زەرتتەۋشىلەرگە تيەسىلى. ولار زەرتتەۋ جۇمىستارىمەن اينالىسىپ، الما مەن ءجۇزىمنىڭ بىرەگەي سۇراپتارىن وسىرەدى. ولاردىڭ باستى ماقساتى — بيولوگيالىق ارتۇرلىلىكتى ساقتاۋ. ءبىزدى ونىمنەن ءدام تاتۋ ءۇشىن  باققا شاقىرىپ، اعاشتان جاڭا پىسكەن جەمىستەردى ءۇزىپ الدىق. ونىڭ ءدامى ەرەكشە بولعانى سونشالىقتى، سوزبەن جەتكىزۋ قيىن. بۇل ازىق-تۇلىك دۇكەنىنەن تابىلاتىن بارلىق نارسەدەن دە الدەقايدا ءدامدى. بالكىم، مۇنى جول بويىندا فەرمەردەن جەمىس ساتىپ الۋمەن سالىستىرۋعا بولار. بىراق مەن بۇل ەرەكشە ورىنعا قاتتى تاڭعالدىم»، - دەيدى روزەنبليۋم.

ديپلومات اقش-قا ورالعان سوڭ، قازاقتىڭ «بەسبارماق» تاعامىن ساعىناتىنىن دا اتاپ ءوتتى.

پودكاست قازاقستاننىڭ تۋريستىك الەۋەتى تۋرالى كوبىرەك بىلۋگە ۇمتىلاتىن جانە ەلگە شەتەلدىك مەيمانداردىڭ كوزىمەن قاراعىسى كەلەتىندەر ءۇشىن پايدالى بولماق.

تولىق شىعارىلىمدى Kazakhstan Travel YouTube ارناسىنان تاماشالاۋعا بولادى:

«Born Bold. Travel Boldcast» — قازاقستانداعى تۋريزم تۋرالى اعىلشىن تىلىندەگى تۇڭعىش پودكاست. ونىڭ نەگىزگى ماقساتى — ەلدىڭ ءتۋريزمىن ىلگەرىلەتۋ، ەلىمىزدىڭ داستۇرلەرى، مادەنيەتى جانە تۋريستىك باعىتتارى تۋرالى تەرەڭىرەك اقپارات بەرۋ.

Abai.kz