ءماجىلىس دەپۋتاتى رۋسلان بەردەنوۆ شىمكەنت قالاسى اكىمىنىڭ ورىنباسارى بولىپ تاعايىندالدى.

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە شىمكەنت قالاسى اكىمىنىڭ وكىمىمەن رۋسلان ارىسبەكۇلى بەردەنوۆ قالا اكىمىنىڭ ورىنباسارى بولىپ تاعايىندالدى.

بۇعان دەيىن 

ەسكە سالايىق، بۇعان دەيىن ءماجىلىس دەپۋتاتى رۋسلان بەردەنوۆتىڭ پارلامەنتتەن كەتەتىنىن راستاعان بولاتىن.

تولىعىراق

ول جۋىق ارادا ءوزىنىڭ تۋعان جەرى –  شىمكەنت قالاسى اكىمىنىڭ ورىنباسارى قىزمەتىنە تاعايىندالاتىنىن دا حابارلاعان ەدىك. بەردەنوۆتىڭ كانديداتۋراسىن پرەزيدەنت اكىمشىلىگى ماقۇلداعان.

ايتا كەتەيىك، قازىر شىمكەنت قالاسىنىڭ اكىمى قىزمەتىن عابيت سىزدىقبەكوۆ اتقارىپ ءجۇر.

بەردەنوۆ ماجىلىستە دەپۋتات بولىپ وتىرعانىنا 2 جىلعا جۋىقتادى.  زاڭ بويىنشا دەپۋتاتتار 5 جىلعا سايلانادى.

بەردەنوۆ تۋرالى

رۋسلان بەردەنوۆ شىمكەنت قالاسىنىڭ تۋماسى. بىلىمى جوعارى، 2006 جىلى مەنەدجمەنت ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. 2009 جىلى كيمەپ ۋنيۆەرسيتەتىن ىسكەرلىك باسقارۋ ماگيسترى (MBA) دارەجەسىمەن ءبىتىردى.

ەڭبەك جولى

ەڭبەك جولىن 2005 جىلى "الماتى قۇس" ااق ("سەيمار" توبى) كومپانياسىنىڭ بولشەك ساۋدا ديرەكتورى قىزمەتىنەن باستادى.

2007 جىلعى اقپان-2010 جىلعى شىلدە-Procter & Gamble كومپانياسىنىڭ باس لوگيستيكالىق ۇيلەستىرۋشىسى.

2010 جىلعى شىلدە-2012 جىلعى قاراشا – "Eastcomtrans" جشس جىلجىمالى قۇرامدى جالداۋ ءبولىمىنىڭ باستىعى.

2012 جىلعى قاراشا-2018 جىلعى مامىر – "اق نيەت" جشس باس ديرەكتورى.

2018 جىلعى قاراشا-2019 جىلعى ءساۋىر – "اق نيەت" جشس بايقاۋ كەڭەسىنىڭ مۇشەسى.

2019 جىلعى ءساۋىر-2023 جىلعى ناۋرىز-Aq niet Group بايقاۋ كەڭەسى توراعاسىنىڭ ورىنباسارى.

2023 جىلعى 29 ناۋرىزدان باستاپ – "Respublica" پارتياسىنىڭ پارتيالىق ءتىزىمى بويىنشا VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قارجى جانە بيۋدجەت كوميتەتىنىڭ مۇشەسى. 2023 جىلعى ناۋرىزدان باستاپ VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى "Respublica" پارتياسىنىڭ پارتيالىق ءتىزىمى بويىنشا سايلاندى.

Ulysmedia.kz دەرەككوزى

Abai.kz