قازاقستان ۇكىمەتى ەلدەگى ءبىرىنشى اتوم ەلەكتر ستانتسياسى سالىناتىن ورىن رەتىندە الماتى وبلىسىنداعى جامبىل اۋدانىن رەسمي تۇردە بەكىتتى.

اەس سالۋعا قولايلى ورىن دەپ ايتىلىپ جۇرگەن بالقاش كولى جاعالاۋىنداعى ۇلكەن اۋىلى وسى وڭىرگە قارايدى.

"اتوم ەلەكتر ستانتسياسى" يادرولىق قوندىرعىسى سالىناتىن اۋدان تۋرالى قاۋلىعا بىلتىر 30 جەلتوقساندا قول قويىلعان. قاۋلى 25 اقپاننان باستاپ قولدانىسقا ەندى.

قازاقستاندا اەس قۇرىلىسىن سالۋعا نيەتتىلەر تىزىمىندە رەسەي ("روساتوم"), قىتاي (CNNC), فرانتسيا (EDF) مەن وڭتۇستىك كورەيا (KHNP) كومپانيالارى بار.

بيىل قاڭتاردا ەنەرگەتيكا مينيسترلىگى ەلدە اەس-ءتى كىم سالاتىنى ءالى ناقتى شەشىلگەن جوق دەپ مالىمدەگەن.

Abai.kz