بۇگىن "ارسەلورميتتال تەمىرتاۋ" اق كوستەنكو اتىنداعى كومىر شاحتاسىنداعى جارىلىسقا قاتىستى قىلمىستىق ءىس بويىنشا الدىن الا سوت تىڭداۋى باستالدى.

2023 جىلعى 28 قازاندا جەراستى تازارتۋ قازبالارىندا ورىن العان قايعىلى وقيعا ناتيجەسىندە 46 كەنشى قازا تاۋىپ، تاعى 28 كەنشى جاراقات العان بولاتىن.

سوت وتىرىسىنا مەملەكەتتىك ايىپتاۋشىلار، جابىرلەنۋشىلەر، ولاردىڭ وكىلدەرى، سوتتالۋشىلار مەن قورعاۋشىلار قاتىستى.

ەسكە سالا كەتەيىك، قىلمىستىق ءىستى باس پروكۋراتۋرا تەرگەپ، ناتيجەسىندە شاحتا باسشىلىعى مەن ينجەنەرلىك-تەحنيكالىق قىزمەتكەرلەردىڭ قاتارىنان 10 ادام سوتقا تارتىلعان بولاتىن.

بارلىعىنا قازاقستان رەسپۋبليكاسى قىلمىستىق كودەكسىنىڭ 277-بابىنىڭ 3-بولىگى بويىنشا ايىپ تاعىلدى (تاۋ-كەن جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ).

سوتتالۋشىلار قاماۋدا. ءىس بويىنشا 74 ادام جابىرلەنۋشى دەپ تانىلدى.

قىلمىستىق ءىس قازاقستان رەسپۋبليكاسى ءىىم قىلمىستىق-اتقارۋ جۇيەسى كوميتەتىنىڭ "№61 مەكەمە" رمم عيماراتىندا قارالادى.

Abai.kz