اقمولا وبلىسىنىڭ اكىمى مارات احمەتجانوۆ جۋرناليست ەربولات مۇحامەدجاننىڭ Jibek Joly تەلەارناسىنداعى اۆتورلىق ۋادە جوباسىنا قاتىسىپ، اقمولا وبلىسىنداعى بىرقاتار ماسەلەلەر تۋرالى سۇراقتارعا جاۋاپ بەردى.  

اكىمنىڭ ايتۋىنشا كوكشەتاۋدا جىلۋ ەلەكتر ورتالىعىنىڭ (جەس) قۇرىلىسىنا دايىندىق جۇمىستارى جۇرگىزىلۋدە.  

«بۇل جۇمىس باستالدى. ءبىزدىڭ تاراپىمىزدان جەر بەرۋ ماسەلەسىن، دايىندىق ماسەلەسىن ءبىز باستاپ كەتتىك. ەندى وسى جازدا قۇرىلىسى باستالادى دەپ توسۋدامىز. كوكشەتاۋدا تەك جىلۋعا ەمەس، ەلەكتر قۋاتىنا دا تاپشىلىق بار. كوكشەتاۋ قالاسى جىلۋ ەلەكتر ستانتسياسى جوق قازاقستانداعى جالعىز وبلىس ورتالىعى بولۋى مۇمكىن. جەس جوق. ىستىق سۋ قۇبىرمەن بارمايدى» - دەدى وبلىس اكىمى.  

ايماق باسشىسىنىڭ ايتۋىنشا، جەس قۇرىلىسى تولىق اياقتالعاننان كەيىن عانا قالا تۇرعىندارىنا ىستىق سۋ بەرىلەدى: 

«كوكشەتاۋ – «اريستون قالاسى» دەپ كەتكەنبىز. قازىر حالىق امالسىزدان «اريستوندى» پايدالانىپ وتىر. ال ساراپشىلاردىڭ ايتۋىنشا، بۇل ەكى ەسە ەنەرگيا شىعىنىن تالاپ ەتەدى. كوكشەتاۋدا ىستىق سۋ تەك جەس سالىنعاننان كەيىن عانا بولادى. جەس-ءتى سالۋ قۇرىلىسىنا مينيسترلىك جاۋاپتى. ءبىز اكىمشىلىك رەتىندە ينفراقۇرىلىمدى، ىستىق سۋ بەرەتىن قۇبىرلاردى دايىنداۋىمىز قاجەت» - دەدى مارات احمەتجانوۆ.  

سۇحباتقا سىلتەمە:

Abai.kz