استىنداعى تاعىنان تۇسسە دە، باسىنانداعى باعىنان ايىرىلماعان نۇرسۇلتان نازارباەۆتىڭ «كوزىن اشىپ كورگەن، اۋزىن اشىپ ۇرگەن» تۇڭعىشى داريعا دۋباي مەن استانانىڭ اراسىندا ساياحاتتاپ جۇرگەنىن الەمدىك، وتاندىق باق ءجىتى قاداعالايتىن قازاقتىڭ كوز الدىنداعى تىرلىككە اينالدى.

داريعانىڭ كوزىنەن تۇركىمەنستان مەن ازەربايجانداعىداي بيلىكتىڭ تىزگىن اكەدەن بالاعا مۇرا ەتەۋشىلىك بۇلبۇلداي ۇشىپ، ارتى قازاقتىڭ ارىستانداي ايباتتىلىعىن تانىتقان «قاسىرەتتى قاڭتار» وقيعاسىنان كەيىن بۇكىل جوسپارى كۇرت بۇلىنگەن داريعا نازارباەۆا وسى جولى جۇرىسىنەن جاڭىلىپ، استانا اۋەجايىندا كوزگە ءتۇسىپ قالدى.

بۇل ورايدا ايتپاعىمىز، امالسىز اياق استىنان پاپاراتستسي بولعان الدەكىم «قۇلاننىڭ قاسىنۋىنا مىلتىقتىڭ باسىلۋى» دەگەندەي، ەكس-پرەزيدەنتتىڭ قىزى ەكى نەمەرەسىنىڭ ورتاسىندا دۋبايعا ۇشىپ بارا جاتقان كەزىن ۇيالىسىنا ساتىنمەن ءتۇسىرىپ الىپتى. كەيىن كەزدەيسوق ءپاپاراتستسيدىڭ سۋرەتى بلوگەر سىرىم يتقۇلوۆتىڭ پاراقشاسىندا پايدا بولا كەتىپ، قازاق قوعامىن ءتۇرلى-ءتۇرلى ويعا جەتەلەپ، جۇرت اراسىنا كەڭىنەن تارادى.

سۋرەت: سىرىم يتقۇلوۆتىڭ جەلىدەگى پاراقشاسىنان الىندى.

ءبىزدىڭ ءتۇرلى ويعا جەتەلەدى دەگەنىمىزدىڭ ءمانىسى: بۇعان دەيىن دەپۋتات باپي «ەسكى قازاقستاننىڭ» كەزىندە جالعاندى جالپاعىنان باسقان «50-ءدىڭ ار جاق-بەر جاعىنداعى» وكىلدەرى جوسپار قۇرىپ جاتىر» دەگەن مالىمدەمەسىنە وراي تۋىنداپ وتىر.

ەلتۇقا اعامىز ودان ارى ءوز مالىمدەمەسىندە: «بۇل كۇشتىڭ الەۋەتى دە، قارجىلىق-ماتەريالدى جاعدايى دا، ادامي رەسۋرسى دا كۇشتى، قازىرگى تەحنولوگيانى، ينتەرنەت رەسۋرستاردى پايدالانۋ مۇمكىندىگى دە جوعارى»، - دەپ ساقتانساڭ جاۋ المايدى دەگەن ءسوزدى قاپەرىمىزگە سالادى.

ۇزىنقۇلاققا سەنەتىن بولساق: «داريعا قازاقستانعا كەلۋگە قايمىعادى» دەگەن قاۋەسەتتەر دە تاراعانىن جوققا شىعارمايمىز. الاشقا ايكاپىر بولعان اۋلەتتىڭ كەزىندە ىستەگەنى مەن تىستەگەنى اشكەرە بولعان كەزىندە «قازاقستاندى ۋىسىندا ۇستاعان وتباسىنىڭ بىلىقتارى تۋرالى» از جازعان جوق.

وسى ورايدا تاعى ءبىر ايتا كەتەرلىگى: تاۋەلسىز جۋرناليستەردىڭ حالىقارالىق بىرلەستىگى (ICIJ) تاراتقان اقپارات بويىنشا داريعا پەن بولات نازارباەۆ، بولات وتەمۇراتوۆ، قايرات ساتىبالدى، تيمۋر قۇلىباەۆ، ۆلاديمير كيم سەكىلدى «نازارباەۆ كلانىنىڭ»... ەلىمىزدەن سىرتقا استىرتىن الىپ شىققان اقشاسى 130 ملرد $-دان اسىپ جىعىلادى ەكەن.

بۇل ارادا ICIJ تاراتقان اقپارات ولاردىڭ تەك سوڭعى 7 جىلدىڭ كولەمىندەگى ەل-جۇرتىڭ اۋزىنان جىرىپ جىمقىرعان اقشاسى. ال، وعان دەيىنگى ءىس-ارەكەتتەرى ءالى زەرتتەلۋ ۇستىندە ەكەنىن وقىرماندارىمىز ەسىنە سالعىمىز كەلەدى. ەگەر وسى اقشا ەلگە قايتارىلسا، قازاقتىڭ يىعىنا اۋىر جۇك بولىپ وتىرعان سىرتقى قارىزدان ءبىرجولا قۇتىلار ەدىك-اۋ!

ءابىل-سەرىك الىاكبار

Abai.kz