جۇما, 4 ءساۋىر 2025
اباي.tv 808 0 پىكىر 3 ءساۋىر, 2025 ساعات 15:08

ءپۋتيننىڭ «جۇماعى» شىن ومىردە «توزاق» بولىپ شىقتى

سۋرەت: zmina.info سايتىنان الىندى.

«You Tube» پلاتفورماسىندا «زابروشەننايا روسسيا» دەيتىن ارنا بار. رەسەيدىڭ تۇكپىر-تۇكىپىرىندەگى ەلدىمەكەندەردى، اۋىل-ايماقتاردى ارالاپ، ولاردىڭ شىنايى تىرشىلىگىن سۋرەتتەيدى.

سول ارنانىڭ ءبىر باعدارلاماسى ۋكراينادان وككۋپاتسيالانعان دونەتسكى جانە لۋگانسكى وبلىستارىنداعى اۋىلدارعا ارنالىپتى.

لۋگانسكى – ۋكراينانىڭ وبلىسى، ۋكراينا جەرى. ءبىر ارقاسى - ۋكراينانىڭ دونەتسكى، حاركوۆ وبلىستارىمەن، ەكىنشى شەتى - رەسەيدىڭ بەلگورود، ۆورونەج، روستوۆ وبلىستارىمەن شەكتەسىپ جاتقان اۋماق.

دونەتسكى – ۋكراينا جەرى. ءبىر شەتى - ۋكراينانىڭ زاپوروج، دنەپروپەتروۆسكى، حاركوۆ، لۋگانسكى وبلىستارىمەن شەكتەسسە، ەكىنشى شەتى - رەسەيدىڭ روستوۆ وبلىسىمەن شەكتەسەدى.

دونەتسكى – جەر كولەمى جونىنەن ۋكراينانىڭ 11-ءشى اۋماعى. سوعىسقا دەيىن (2021 جىلى) حالىق سانى 4,1 ملن ادام دەپ تىركەلگەن.

ال لۋگانسكى – جەر كولەمى جونىنەن ۋكراينانىڭ 10-شى اۋماعى. سوعىسقا دەيىن (2021 جىلى) جان سانى 2,1 ملن ادام دەپ تىركەلگەن.

2014 جىلى پرو-رەسەيلىك كۇشتەر باس كوتەرىپ، بۇلىك شىعارعان. ءسويتىپ الەمدە رەسەي مەن سولتۇستىك كورەي سەكىلدى ەلدەردەن وزگە ەستى جۇرتى مويىنداماعان «لۋگانسكى حالىقتىق رەسپۋبليكاسى»، «دونەتسكى حالىقتىق رەسپۋبليكاسى» دەيتىن ەرگەجەيلى مەملەكەتسىماقتار پايدا بولعان.

2022 جىلدىڭ 21 اقپانىندا رەسەي بيلىگى دحر مەن لحر-نى تاۋەلسىز مەملەكەت دەپ رەسمي تۇردە مويىندادى. ال 2022 جىلدىڭ 24 اقپانىندا رەسەي ۋكرايناعا تولىق اۋقىمدى سوعىس اشتى. 2022 جىلدىڭ 23-27 قىركۇيەگىندە لۋگانسكى مەن دونەتسكى اۋماقتارىندا پسەۆدو-رەفەرەندۋم وتكىزىلىپ، 30 قىركۇيەكتە پرەزيدەنت پۋتين بۇل جەرلەردى رەسەي قۇرامىنا قوسىپ الدى.

سويتكەن، لۋگانسكى مەن دونەتسكىنىڭ قازىرگى جۇرتى: «بۇرىنعى كۇندەرىمىز جاقسى ەدى»، - دەپ جىلارمان بولىپ وتىر ەكەن.

اتالعان بەينەماتەريال رەسەيلىك كوزقاراستا بولۋى تۇسىنىكتى. ءبىزدىڭ بۇل ماتەريالدى بولىسۋدەگى ماقساتىمىز – قازاق قوعامى رەسەي اۋىلدارىنىڭ قالاي كۇن كەشىپ جاتقانىن كورە ءجۇرسىن، بىلە ءجۇرسىن دەگەن وي.

2018 جىلى رەسەي پرەزيدەنتى پۋتين «ۆالداي» دەيتىن ەكونوميكالىق فورۋمدا: «اگرەسسور ءبىلسىن. ءبارىبىر كەك، ەسەنىڭ قايتارىلاتىنىن ءبىلسىن. ول جەر بەتىنەن جوق بولادى. ال ءبىز شە؟ ءبىز سول اگرەسسوردىڭ قۇربانىمىز. ءبىز ازاپتالۋشى رەتىندە جۇماققا كىرەمىز. ال ولار، ولار – ولەدى. ويتكەنى، ولار كەشىرىم سۇراپ تا ۇلگەرمەيدى»، - دەپ سويلەگەن ەدى.

پۋتين ايتقان سول «جۇماقتى» اڭساعان دونەتسكى مەن لۋگانسكى جۇرتى قازىر ناعىز توزاقتا ءومىر ءسۇرىپ جاتىر دەسەك جاڭىلمايمىز...

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1445
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4165
46 - ءسوز

بىزگە بەيمالىم باراق حان

جامبىل ارتىقباەۆ 3042