استانا، الماتى جانە شىمكەنت قالالارىندا جۇزەگە اسىرىلىپ جاتقان جۇمىس ىستەيتىن جاستارعا ارنالعان تۇرعىن ءۇي باعدارلاماسىنىڭ العاشقى كەزەڭى اياقتالۋعا جاقىن. بيىل جالعا بەرىلگەن پاتەرلەردە تۇرىپ جاتقان 2 000-نان استام جاستىڭ بەس جىلدىق جالداۋ مەرزىمى اياقتالادى.

باعدارلاما جاستار ءۇشىن ۇلكەن مۇمكىندىككە اينالدى: ولار تومەن باعامەن پاتەر جالداپ، وسى ۋاقىت ىشىندە ءوز باسپاناسىنا باستاپقى جارنا جيناي الادى.

اسىرەسە الەۋمەتتىك وسال ساناتتاعى جاستارعا قولداۋ كورسەتۋ ماقساتىندا، وڭىرلىك دەڭگەيدە جەڭىلدەتىلگەن يپوتەكالىق باعدارلامالار اياسىندا ارنايى كۆوتا ءبولىندى.

«وتباسى بانك» ارقىلى ۇسىنىلاتىن جەڭىلدەتىلگەن نەسيە شارتتارى تومەندەگىدەي:

• باستاپقى جارنا: 10%
• جىلدىق مولشەرلەمە: 5%
• ەڭ جوعارى سوما: 20 ملن تەڭگەگە دەيىن
• نەسيەلەندىرۋ مەرزىمى: 19 جىلعا دەيىن

بۇگىنگى كۇنگە دەيىن 1 873 جاس «وتباسى بانك» فيليالدارىنا جەڭىلدەتىلگەن يپوتەكا الۋ ءۇشىن ءوتىنىش بەرىپ ۇلگەردى. بۇل جالپى قاتىسۋشىلار سانىنىڭ 75%-ىن قۇرايدى.

قالا بويىنشا ستاتيستيكا:

• استانا: 677 ءوتىنىش
• الماتى: 708 ءوتىنىش
• شىمكەنت: 488 ءوتىنىش

وسى قاتىسۋشىلاردىڭ ىشىندە:

• 262 ادام قازىردىڭ وزىندە باسپانا يەسى اتاندى (استانادا – 231, الماتىدا – 31)
• 316 جاس وزىنە قولايلى تۇرعىن ءۇي ىزدەپ جاتىر

ءوتىنىش قابىلداۋ جالعاسىپ جاتىر.

Abai.kz