قاراعاندىدا قازاقستاندىق ساياسي قايراتكەر، جۋرناليست، پروفەسسور، قر ساياسي عىلىم اكادەمياسىنىڭ اكادەميگى قۋانىش سۇلتانوۆتىڭ «وتىز جىلدىڭ وي تولعاۋى» جانە «قازاقتىڭ قوناەۆى» اتتى كىتاپتارى تانىستىرىلدى. تۇساۋكەسەرگە ەلىمىزدىڭ جانە قاراعاندى وبلىسىنىڭ جەتەكشى مەملەكەت جانە قوعام قايراتكەرلەرى قاتىستى.

سۋرەت: gov.kz سايتىنان الىندى.

– جاقىندا عانا بۇل كىتاپتاردىڭ تۇساۋكەسەرى ەلوردانىڭ قاق ورتاسىندا – ۇلتتىق اكادەميالىق كىتاپحانادا ءوتتى. ال بۇگىندە مۇنداي ماڭىزدى وقيعا ءبىزدىڭ وبلىستا دا جالعاسۋدا، – دەدى ءوڭىر اكىمى ەرماعانبەت بولەكپاەۆ. – ءسىز قاراعاندى وبلىسىمەن تىعىز بايلانىستا بولعان ادام رەتىندە ونىڭ تاريحىندا ەلەۋلى ءىز قالدىردىڭىز. سىزگە قۇندى ەڭبەكتەرىڭىز ءۇشىن العىس بىلدىرەمىز جانە ودان ءارى شىعارماشىلىق تابىستار مەن جاڭا جەتىستىكتەر تىلەيمىز!

سۋرەت: gov.kz سايتىنان الىندى.

1987 جىلى قۋانىش سۇلتانوۆ قاراعاندى وبلىستىق پارتيا كوميتەتىنىڭ حاتشىسى بولىپ سايلاندى. بۇل قىزمەتتە ول ءوڭىردىڭ الەۋمەتتىك-ەكونوميكالىق دامۋىنا جانە قوعامدىق ءومىردىڭ جاڭارتىلۋىنا ەلەۋلى ۇلەس قوسقان.

سۋرەت: gov.kz سايتىنان الىندى.

ول ەلدىڭ ساياسي ومىرىنە جانە باعدارلامالىق قۇجاتتاردى ازىرلەۋگە بەلسەندى قاتىسقان. تاۋەلسىز قازاقستاننىڭ العاشقى اقپارات ءمينيسترى رەتىندە مەملەكەتتىك اقپاراتتىق ساياساتتى قالىپتاستىرۋدا ماڭىزدى ءرول اتقاردى. ال 1993 جىلى ۆيتسە-پرەمەر قىزمەتىن اتقارىپ، جاس مەملەكەتتىڭ يدەولوگيالىق جۇمىسىنا جەتەكشىلىك ەتتى.

سۋرەت: gov.kz سايتىنان الىندى.

– ءسىزدىڭ شىعارماشىلىق مۇراڭىزدى بولەك اتاپ وتكىم كەلەدى. بىرقاتار مونوگرافيالار مەن 200-دەن استام ماقالالارىڭىزدا ەلدىڭ وتكەنى مەن بۇگىنىن تەرەڭ تالداپ، ونىڭ بولاشاعىنىڭ ۆەكتورىن بەلگىلەدىڭىز، – دەپ اتاپ ءوتتى وبلىس اكىمىنىڭ ورىنباسارى الىبەك الدەنەي. – كىتاپتاردان ءومىرى مەن شىعارماشىلىعى مەملەكەتتىڭ تاريحىمەن جانە تاعدىرىمەن تىعىز ۇشتاسقان اۆتوردىڭ ءومىرىن كوردىم.

سۋرەت: gov.kz سايتىنان الىندى.

كىتاپتاردىڭ ءبىرى – «قازاقتىڭ قوناەۆى» – حالىقتىڭ جادىندا ماڭگى ساقتالعان دىنمۇحامەد قوناەۆتىڭ ءومىرى مەن قىزمەتىنە ارنالعان. «وتىز جىلدىڭ وي تولعاۋى» باسىلىمى تاۋەلسىز قازاقستاننىڭ قالىپتاسۋى مەن دامۋىنىڭ ماڭىزدى كەزەڭدەرىن قامتيدى.

سۋرەت: gov.kz سايتىنان الىندى.

– قاراعاندى ءوڭىرى مەنىڭ جۇرەگىمە وتە جاقىن. مەن مۇندا جاقسى دا، قيىن دا كەزەڭدەردى باستان وتكەردىم. وبلىس تۇرعىندارى ءبىزدى ءاردايىم قولداپ كەلدى. ءبىز توپتاسىپ، حالىقتىڭ تۇرمىسىن جاقسارتۋ ءۇشىن بىرلەسىپ ەڭبەك ەتتىك. مىسالى، تاتتىمبەت اتىنداعى وركەستردى قۇرۋ، عيماراتتار سالۋ، تاريحي ەسكەرتكىشتەردى قالپىنا كەلتىرۋ سەكىلدى ايتۋلى وقيعالاردى اتاپ وتسەك بولادى. بۇل تەك ءوڭىردىڭ عانا ەمەس، بۇكىل قازاقستاننىڭ يگىلىگى. سوندىقتان قاراعاندىعا كەلگەن سايىن جۇرەگىمە جىلۋ ۇيالايدى. بۇل تۋرالى كىتاپتا جازىلعان – ءتىپتى «قاراعاندى» دەگەن جەكە تاراۋ دا بار. ەكىنشى كىتاپتا دا بار، – دەپ ءبولىستى قۋانىش سۇلتانوۆ.

سۋرەت: gov.kz سايتىنان الىندى.

اۆتوردىڭ ايتۋىنشا، كىتاپتار قاراپايىم جانە قولجەتىمدى تىلدە جازىلعان، سوندىقتان ماڭىزدى تاريحي وقيعالار مەن مەملەكەت قايراتكەرلەرىنىڭ ءومىرباياندارى بارشاعا، سونىڭ ىشىندە جاستارعا دا قىزىقتى.

سۋرەت: gov.kz سايتىنان الىندى.

قازاقستان پرەمەر-ءمينيسترىنىڭ كەڭەسشىسى ەرالى توعجانوۆ تا مەملەكەتتىك قىزمەتكەرلەردىڭ وسى ەڭبەكتەرىنە نازار اۋدارۋدى ۇسىندى.

سۋرەت: gov.kz سايتىنان الىندى.

– بۇل كىتاپتاردىڭ ەرەكشەلىگى – اۆتور ءوزى جازعان وقيعالاردىڭ تىكەلەي قاتىسۋشىسى. بۇل تاۋەلسىز قازاقستاننىڭ قالىپتاسۋىنىڭ ماڭىزدى كەزەڭدەرىنىڭ ءبىرى. اتالمىش كىتاپتار ەل تاريحىنا قىزىعۋشىلىق تانىتقاندار ءۇشىن قۇندى اقپارات كوزى بولادى، – دەيدى ەرالى توعجانوۆ. – مەن ولاردى مەملەكەتتىك ورگانداردىڭ قىزمەتكەرلەرىنە وقۋعا ۇسىنامىن. ەلدى باسقارۋ – كۇردەلى جانە جان-جاقتى مىندەت، قۋانىش سۇلتانۇلى ءوز كىتاپتارىندا ونىڭ ءمانىن اشىپ قانا قويماي، كۇردەلى سىن-قاتەرلەردى ەڭسەرۋدەگى جەكە تاجىريبەسىن بولىسەدى.

Abai.kz