قازاقستاندا ماتەريالدىق ەمەس مادەني مۇرا وبەكتىلەرىنىڭ ەلەمەنتتەرىنىڭ ۇلتتىق ءتىزىمى قايتا قارالدى.

قازاقستاندا ماتەريالدىق ەمەس مادەني مۇرا ەلەمەنتتەرىنىڭ ۇلتتىق ءتىزىمى ارتتى. بۇل تۋرالى ۇكىمەت وتىرىسىندا مادەنيەت جانە اقپارات ءمينيسترى ايدا بالاەۆا باياندادى.

ماتەريالدىق ەمەس مادەني مۇرا ەلەمەنتتەرىنىڭ ۇلتتىق ءتىزىمىن قايتا زەردەلەۋ ناتيجەسىندە، بۇعان دەيىنگى 45 ەلەمەنتتىڭ سانىن 79 ەلەمەنتكە دەيىن ارتتىردى. قازىرگى كەزدە قازاقستاننىڭ اتىنان ادامزاتتىڭ ماتەريالدىق ەمەس مادەني مۇراسى تىزىمىنە 14 ەلەمەنت ەنگىزىلگەن.

بۇگىندە ەلىمىزدەگى تاريحي-مادەني مۇرا وبەكتىلەرىنىڭ سانى 25 مىڭنان اسادى.

اتاپ ايتقاندا، رەسپۋبليكالىق ماڭىزى بار تاريحي جانە مادەني ەسكەرتكىشتەر تىزىمىندە 265 ەسكەرتكىش بولسا، جەرگىلىكتى ماڭىزى بار 12 مىڭنان اسا تاريحي جانە مادەني ەسكەرتكىشى تىركەلدى. قازىرگى كەزدە يۋنەسكو-نىڭ بۇكىلالەمدىك مۇرا تىزىمىندە ەلىمىزدىڭ 10 تاريح جانە مادەني ەسكەرتكىشى بار.

Abai.kz