ولجاس بەكتەنوۆ: تابيعي گاز قورلارىن يگەرۋ ءۇشىن جۇيەلى تاسىلدەر مەن زاماناۋي ينفراقۇرىلىم جانە ۇزاقمەرزىمدى ستراتەگيا قاجەت.

قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا گاز سالاسىن دامىتۋ مەن تسيفرلاندىرۋ ماسەلەسى قارالدى.

بۇكىل الەمدە ەكولوگيالىق جاعىنان تازا وتىن رەتىندە تابيعي گازدى تۇتىنۋ دەڭگەيى تۇراقتى ءوسىپ كەلەدى. جاھاندىق ەنەرگەتيكا نارىقتارىندا ورىن العان تۇراقسىزدىق جاعدايىندا دەكاربونيزاتسيالاۋعا بەت العان ەلدەردىڭ ءوزى گازدى نەگىزگى ءارى رەزەرۆتىك گەنەراتسيا كوزى بولىپ قالا بەرەدى.

ولجاس بەكتەنوۆ ەلىمىزدە گاز كۇندەلىكتى وتىن ءتۇرى عانا ەمەس، ول ازاماتتاردىڭ تۇرمىس ساپاسىنا، سونداي-اق ەكونوميكا مەن وڭىرلەردىڭ دامۋىنا تىكەلەي اسەر ەتەتىن الەۋمەتتىك ماڭىزى زور رەسۋرس ەكەنىن اتاپ ءوتتى.
«مەملەكەت باسشىسى گاز سالاسىن دامىتۋدىڭ باسىمدىعىن بىرنەشە رەت اتاپ ءوتىپ، حالىقتى گازبەن تۇراقتى قامتاماسىز ەتۋ، ينفراقۇرىلىمدى جاڭعىرتۋ جانە جاڭا كەن ورىندارىن بارلاۋ جۇمىستارىن كەڭەيتۋ باعىتىندا تاپسىرمالار بەردى.

ءبىزدىڭ ەلىمىزدىڭ «كوگىلدىر وتىن» بويىنشا الەۋەتى زور. ەلىمىزدە تابيعي گاز قورىنىڭ راستالعان كولەمى شامامەن 4 ترلن تەكشە مەتردى قۇرايدى. الايدا، ونى يگەرۋ ءۇشىن جۇيەلى تاسىلدەر مەن جاڭا ينۆەستيتسيالار، زاماناۋي ينفراقۇرىلىم جانە ۇزاق مەرزىمدى ستراتەگيا قاجەت»، — دەپ اتاپ ءوتتى ولجاس بەكتەنوۆ.

Abai.kz