قاسىم-جومارت توقاەۆ مارتەبەلى مەيمانعا ءىلتيپات ءبىلدىرىپ، ەۋروپالىق فۋتبول قاۋىمداستىقتارى وداعىنىڭ ەلىمىزگە كورسەتىپ وتىرعان قولداۋىنا جوعارى باعا بەردى، دەپ حابارلايدى اقوردانىڭ ءباسپاسوز قىزمەتى.

پرەزيدەنت بۇگىندە 1 ميلليوننان استام وتانداسىمىز فۋتبولمەن شۇعىلداناتىنىن ايتتى. بۇل – سپورتپەن اينالىساتىن ازاماتتارىمىزدىڭ 13 پايىزى. بۇدان اتالعان سپورت ءتۇرىنىڭ بۇقارالىق سيپات العانىن كورۋگە بولادى.

مەملەكەت باسشىسى وتاندىق فۋتبولدىڭ نارىق تالاپتارىنا ساي ورنىقتى بيزنەس مودەلىن قالىپتاستىرىپ، كلۋب مەنەدجمەنتىن دامىتۋ ماڭىزدى ەكەنىنە نازار اۋداردى. وسى رەتتە قاسىم-جومارت توقاەۆ ۇيىممەن ءبىلىم بەرۋ جانە تاجىريبە الماسۋ باعدارلاماسىن جۇزەگە اسىرۋ باعىتىنداعى ىقپالداستىققا قولداۋ ءبىلدىردى. بۇل ماماندار مەن جاس ويىنشىلاردىڭ كاسىبي دەڭگەيىن ارتتىرۋدى كوزدەيدى.

الەكساندەر چەفەرين كەزدەسۋگە مۇمكىندىك جاساعانى ءۇشىن پرەزيدەنتكە العىس ايتىپ، قازاقستانمەن اراداعى سەرىكتەستىكتى كەڭەيتۋگە دايىن ەكەنىن جەتكىزدى. سونداي-اق UEFA مەن قازاقستان فۋتبول فەدەراتسياسى اراسىندا بەرىك بايلانىس ورناعانىن اتاپ ءوتتى.

كەزدەسۋ سوڭىندا قاسىم-جومارت توقاەۆ قازاقستان سپورتىنىڭ دامۋىنا قوسقان ۇلەسى ءۇشىن الەكساندەر چەفەريندى II دارەجەلى «دوستىق» وردەنىمەن ماراپاتتادى.

Abai.kz