تەرروريزمگە قارسى ءىس-قيمىل تۋرالى 2025 جىلعى ساۋىردە ۇقك پروكۋراتۋرا ورگاندارىنىڭ ۇيلەستىرۋىمەن استانا قالاسى، اباي، اقتوبە جانە تۇركىستان وبلىستارىنداعى ءدىني راديكالدار ارەكەتىنىڭ جولىن كەستى. بۇل تۋرالى ۇقك ءباسپاسوز قىزمەتى مالىمدەدى.

تەرروريزمدى ناسيحاتتاپ، ونىڭ ىشىندە الەۋمەتتىك جەلىلەر ارقىلى ءدىني الاۋىزدىقتى قوزدىردى دەگەن كۇدىكپەن 4 قازاقستاندىق ۇستالدى.

ولاردىڭ بىرەۋى بۇرىن سوتتىلى بولعان. تۇرعىن ۇيلەرىن ءتىنتۋ بارىسىندا زاتتاي دالەلدەمەلەر الىندى.

قىلمىستىق كودەكستىڭ 174 جانە 256-باپتارى بويىنشا سوتقا دەيىنگى تەرگەپ-تەكسەرۋلەر جۇرگىزىلۋدە.

قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.

بۇدان بولەك، ۇقك بۇرىن تەرگەگەن قىلمىستىق ىستەر بويىنشا سوت اقتوبە، قاراعاندى جانە تۇركىستان وبلىستارىنىڭ 3 تۇرعىنىنا قاتىستى ايىپتاۋ ۇكىمدەرىن شىعاردى.

سوتتالعاندار الەۋمەتتىك جەلىدە جانە اينالاسىندا تەرروريزم مەن ءدىني ەكسترەميزم يدەولوگياسىن تاراتقان.

Abai.kz