مەملەكەت باسشىسى قاسىم-جومارت كەمەلۇلى توقاەۆ رەپرودۋكتيۆتى دەنساۋلىق ماسەلەسىنە ايرىقشا ءمان بەرىپ، وتباسى ينستيتۋتىن نىعايتۋعا باعىتتالعان باستامالاردى جۇيەلى تۇردە قولداپ كەلەدى. سونىڭ جارقىن دالەلى رەتىندە پرەزيدەنتتىڭ باستاماسىمەن جۇزەگە اسىرىلىپ جاتقان «اڭساعان ءسابي» باعدارلاماسىن اتاپ وتۋگە بولادى. بۇل باعدارلاما رەپرودۋكتيۆتى دەنساۋلىق سالاسىنداعى مەملەكەتتىك ساياساتتىڭ ماڭىزدى قۇرامداس بولىگىنە اينالدى.

سۋرەت: قر مادەنيەت جانە اقپارات مينيسترلىگىنىڭ تەلەگرام ارناسىنان الىندى.

جاسوسپىرىمدەر مەن جاستار اراسىندا رەپرودۋكتيۆتى دەنساۋلىققا جاۋاپكەرشىلىكپەن قاراۋ مادەنيەتىن قالىپتاستىرۋ، جىنىستىق قاتىناسقا ەرتە ءتۇسۋ سالدارلارى، جىنىستىق جولمەن بەرىلەتىن ينفەكتسيالاردىڭ تارالۋى جانە ايتۆ جۇقتىرعان جاڭا جاعدايلاردىڭ كوبەيۋىنىڭ الدىن الۋ ماقساتىندا 2025 جىلعى 12–16 مامىر ارالىعىندا ەلىمىزدە رەپرودۋكتيۆتى دەنساۋلىق اپتالىعى وتەدى.

بۇل باستامانىڭ نەگىزگى ۇيىمداستىرۋشىسى – قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا.

بۇگىندە بۇل ماسەلەلەردى اشىق، عىلىمي نەگىزدە جانە كاسىبي دەڭگەيدە تالقىلاۋ بۇرىنعىدان دا ماڭىزدى. وتكەن جىلعى تاجىريبە بۇل باستامانىڭ قوعام ءۇشىن وزەكتى ءارى قاجەتتى ەكەنىن كورسەتتى. سوندىقتان ءبىز اپتالىقتى جىل سايىن وتكىزۋ تۋرالى شەشىم قابىلدادىق.

اكتسيا اياسىندا حالىقتىڭ دەنساۋلىعىن نىعايتۋ، ادام اعزاسىنا جانە بولاشاعىنا سانالى كوزقاراس قالىپتاستىرۋ باعىتىندا مەملەكەتتىك ورگانداردىڭ، دەنساۋلىق ساقتاۋ جانە ءبىلىم بەرۋ ۇيىمدارىنىڭ، ۇكىمەتتىك ەمەس ۇيىمدار مەن حالىقارالىق سەرىكتەستەردىڭ كۇش-جىگەرى بىرىكتىرىلەدى. كاسىبي قاۋىمداستىقتاردى، بۇقارالىق اقپارات قۇرالدارىن جانە قوعامدىق پىكىر كوشباسشىلارىن اقپاراتتىق ناۋقاندى قولداۋعا شاقىرامىز.

بولاشاق ۇرپاقتىڭ دەنساۋلىعى ءۇشىن اپتالىق شەڭبەرىندە وتەتىن ءىس-شارالاردى كەڭىنەن جاريالاپ، شىنايى ءارى پايدالى اقپاراتتى تاراتايىق! اپتا اياسىندا ەلىمىزدىڭ بارلىق وڭىرىندەگى جاستار دەنساۋلىق ورتالىقتارىندا جانە باستاپقى مەديتسينالىق-سانيتارلىق كومەك ۇيىمدارىندا اشىق ەسىك كۇندەرى، تاقىرىپتىق دارىستەر، ترەنينگتەر، ينتەراكتيۆتى سەسسيالار مەن مامانداردىڭ قاتىسۋىمەن ونلاين-ۆەبينارلار ۇيىمداستىرىلادى.

قازىرگى تاڭدا ەلىمىزدە 10–29 جاس ارالىعىنداعى جاسوسپىرىمدەر مەن جاستارعا مەديتسينالىق جانە پروفيلاكتيكالىق كومەك، پسيحولوگتاردان، الەۋمەتتىك قىزمەتكەرلەر مەن زاڭگەرلەردەن كەڭەس الۋعا مۇمكىندىك بەرەتىن 103 جاستار دەنساۋلىق ورتالىعى جۇمىس ىستەيدى.

دەنساۋلىق – حاباردارلىقتان باستالادى. كەلىڭىزدەر، رەپرودۋكتيۆتى دەنساۋلىقتى باستى قۇندىلىققا بىرگە اينالدىرايىق!

ءىس-شارالار تۋرالى تولىق اقپاراتتى مىنا سىلتەمە ارقىلى الۋعا بولادى: www.rephealth.kz

ايدا بالاەۆا،

قر مادەنيەت جانە اقپارات ءمينيسترى

Abai.kz