لوندون سوتى ۇلىبريتانيادا رەسەي ءۇشىن تىڭشى بولعان التى بولگارعا تۇرمەدە جازاسىن جاريالادى، دەپ حابارلايدى بريتاندىق باق.

شپيوندىق توپتىڭ كوشباسشىسى بولعان جانە ءوز كىناسىن مويىنداعان 47 جاسار ورلين رۋسەۆ ۇلىبريتانيانىڭ ۇلتتىق قاۋىپسىزدىگىنە قاتەر توندىرەتىن التى وپەراتسياعا قاتىسقانى ءۇشىن 10 جىل 8 ايعا سوتتالدى.

ونىڭ ورىنباسارى، 44 جاسار بيسەر جامبازوۆ دا ءوز كىناسىن مويىنداپ، 10 جىل 2 ايعا تۇرمەگە كەسىلدى.

33 جاستاعى كاترين يۆانوۆا - دجامبازوۆ تىڭشىلىق ماقساتتا جۇمىسقا العان ەكى ايەلدىڭ ءبىرى، 9 جىل 8 ايعا باس بوستاندىعىنان ايىرىلدى.

30 جاسار ۆانيا گابەروۆانى 6 جىلعا، 8 ايعا جانە ءۇش اپتاعا سوتتادى.

39 جاسار تيحومير يۆانچەۆ جاقسى مىنەز-قۇلقىن جانە 2023 جىلى تۇتقىندالعانعا دەيىن جەلىگە قاتىسۋى توقتاتىلعانىن ەسكەرە وتىرىپ، 8 جىلعا سوتتالدى.

يۆانوۆ، گابەروۆ جانە يۆانچەۆتى ناۋرىز ايىندا دۇشپان مەملەكەتتىڭ پايداسىنا تىڭشىلىق جاساعانى ءۇشىن القابيلەر كىنالى دەپ تانىلدى.

ءىستىڭ التىنشى قاتىسۋشىسى، 33 جاستاعى يۆان ستويانوۆ ءوز كىناسىن مويىنداعاننان كەيىن بەس جىل ءۇش اپتا قاماۋعا الىندى.

پروكۋراتۋرا سوتتالعانداردىڭ ارەكەتتەرى ادامداردىڭ ومىرىنە قاۋىپ توندىرەتىنىن، ويتكەنى ولار جۋرناليستەر، ديپلوماتتار جانە ۋكراينالىق اسكەريلەرگە رەسەي بارلاۋ اتىنان اڭدۋ جۇرگىزگەنىن قاداپ ايتتى.

ۇكىمدە ايىپتالۋشىلاردىڭ التاۋى دا رەسەي مەملەكەتى ءۇشىن جۇمىس ىستەگەنىن انىق سەزىنبەگەنى جانە ماقساتتارى ساياسي ەمەس، تەك قانا مەركانتيلدى ماقساتتاردى كوزدەگەنى اتاپ وتىلگەن. الايدا، سۋديانىڭ پىكىرىنشە، ولاردىڭ بارلىعى كەم دەگەندە بۇعان كۇدىكتەنۋگە نەگىز بولدى جانە وزدەرى جيناعان اقپاراتتىڭ قالاي جانە نە ءۇشىن پايدالانىلۋى مۇمكىن ەكەندىگى جونىندە وزدەرىنە تۇسىنىك بەرۋلەرى ءتيىس ەدى.

Abai.kz