ۇكىمەت وتىرىسىنىڭ قورىتىندىسى بويىنشا وتكەن ءباسپاسوز ءماسليحاتىندا اۋىل شارۋاشىلىعى ءمينيسترى ايداربەك ساپاروۆ قازاقستاندىق استىق ەكسپورتىنىڭ قازىرگى جاعدايى تۋرالى ايتتى.

مينيستر بيداي مەن ۇن ەكسپورتى جوسپار بويىنشا ءجۇرىپ جاتقانىن جانە شەت ەلدەرگە جەتكىزىلىمدەردىڭ ۇلعايۋى بايقالىپ وتىرعانىن اتاپ ءوتتى.

«ءبىز اۋعانستانعا ەكسپورتتى تومەندەتكەن جوقپىز، كەرىسىنشە ارتتىردىق. وزبەكستانعا استىق پەن ۇن ەكسپورتى ارتىپ كەلەدى. ۇن مەن استىق ەكسپورتى 34%-عا ءوستى. سونىمەن قاتار ءبىز جاڭا نارىقتارعا جول اشۋدامىز. ماروككوعا 60 مىڭ توننا جونەلتىلدى، تاعى 60 مىڭ توننا جوسپارلانعان. قازىر ۆەتنامعا 15 مىڭ توننانى جونەلتۋدى جوسپارلاپ وتىرمىز. كەشە پارسى شىعاناعىنا – بىرىككەن اراب امىرلىكتەرىنە العاشقى پارتيانى جىبەردىك»، – دەدى ايداربەك ساپاروۆ.

Abai.kz