2025 جىلعى 14 مامىردان باستاپ «تۇمار» – 2025 ۇلتتىق تەلەۆيزيالىق سىيلىعىنا ءوتىنىم قابىلداۋ باستالدى.

اتالعان بايگە 2017 جىلى قازاقستان رەسپۋبليكاسى مادەنيەت جانە اقپارات مينيسترلىگىنىڭ باستاماسىمەن قۇرىلىپ، سودان بەرى وتاندىق تەلەۆيزيا سالاسىنداعى ماڭىزدى وقيعالاردىڭ بىرىنە اينالدى. وسى ۋاقىت ىشىندە سىيلىققا 2200-دەن استام ءوتىنىم قابىلدانىپ، 354 جوبا نومينانت اتاندى. ال 98 جەڭىمپاز «تۇمار» مۇسىنشەسىنە يە بولدى.

بيىلعى بايگەگە 2024 جىلعى 13 مامىر مەن 2025 جىلعى 14 مامىر ارالىعىندا قازاقستاندىق تەلەارنالاردىڭ ەفيرىندە كورسەتىلگەن جوبالار قاتىسا الادى. وتىنىمدەردى رەسپۋبليكالىق جانە وڭىرلىك تەلەارنالار، تەلەستۋديالار مەن كاسىبي تەلەۆيزيالىق كونتەنت ءوندىرۋشى كومپانيالار ۇسىنۋعا قۇقىلى.

وتىنىمدەر كەلەسى نوميناتسيالار بويىنشا قابىلدانادى:

- ەڭ ۇزدىك الەۋمەتتىك تەلەجوبا - جىلدىڭ ەڭ ۇزدىك رەپورتاجى - ەڭ ۇزدىك اقپاراتتىق-تالدامالىق باعدارلاما - ەڭ ۇزدىك جۋرناليستىك زەرتتەۋ - جىلدىڭ ەڭ ۇزدىك تەلەحيكاياسى - ەڭ ۇزدىك دەرەكتى فيلم - ەڭ ۇزدىك بالالار تەلەجوباسى - ەڭ ۇزدىك وڭىرلىك تەلەارنا - ەڭ ۇزدىك تەلەجۋرناليست - ەڭ ۇزدىك تەلەجۇرگىزۋشى - ەڭ ۇزدىك سپورتتىق كوممەنتاتور

وتىنىمدەر 2025 جىلعى 9 ماۋسىمعا دەيىن قابىلدانادى. تولىق اقپاراتتى tvtumar.kzرەسمي سايتىنان بىلە الاسىز.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz