ادام بالاسىنىڭ ومىرىندە اسا ماڭىزدى ەكى قۇندىلىق بار. وسى ەكەۋىنەن وزگەسىن كەلەسى ورىندارعا قويۋعا بولادى. بارلىق ادام ءدىني سەنىم- نانىمدارىنىڭ قانداي ەكەندىگىنە قاراماستان مەيىرىمدى ءھام كەشىرىمشىل بولعانى ابزال. سوندا ۇنەمى كوڭىلىمىز جايدارلانىپ، ءاردايىم جادىراپ- جايناپ جۇرمەكپىز. قامشىنىڭ سابىنداي قىسقا وسىناۋ الاساپىران دۇنيەدە بىزگە وسىدان ارتىق تاڭداۋ دا جوق.       

***

ادام بالاسى اقشا تابۋ ءۇشىن، دەنساۋلىعىن قۇرباندىققا شالىپ جىبەرەدى. سوسىن، تاپقان اقشاسىن، سول دەنەنى ساۋىقتىرۋ ءۇشىن جۇمسايدى. بولاشاققا ءاردايىم اسىعادى دا، بۇگىننىن ۇمىتادى. اقىرعى ناتيجەدە ادام بۇگىنگە دە، ەرتەنگى ۋاقىتقا دا عۇمىرى جەتپەي قالادى. نەگە دەسەڭىز، ءار پەندە ەشقاشان ولمەيتىندەي ءومىر سۇرەدى دە، كۇندەردىڭ ءبىر كۇنىندە ەشقاشان ءومىر سۇرمەگەندەي- اق ومىردەن وتەدى.

***

ادام بالاسىندا سەنىم مەن ءۇمىتتىڭ مىڭداعان شوعى مازداپ تۇرادى. ءبىرى سونسە دە، وزگەسى قالادى. بىرەر ساتسىزدىككە ۇرىنعان سوڭ سەنىمىن جوعالتاتىندار بولادى. الايدا، ءومىر دەگەن ولشەۋسىز باي، ادامنىڭ اقىل-ويى تۇڭعيىق تەرەڭ. ءبىر عانا ۇمىتكە بارلىعىن ارتۋ –كورسوقىرلىق. ەگەر سول جالعىز ءۇمىت اقتالماسا، ءومىر قۇردىمعا كەتپەي مە؟ سوندىقتان، ونداي قاتەرگە ءوزىمىزدى يتەرمەيىك.

***

ءار تاڭدا ويانعان سايىن كۇننىڭ كوزىن كورگەنىڭە قۋان. سەن ەسەن ساۋسىڭ، اسىل جانسىڭ. ازات تا اسىل جاننىڭ كورەر قىزىعى الدا.وسى مۇمكىندىكتى بوسقا جىبەرمەگىن. الەمگە نۇرلى شۋاق شاشۋ ءۇشىن ءوزىڭدى دامىت، جۇرەگىڭدى تازارت. ءدال بۇگىننەن وسىلاي، وزگەلەرگە شىن نيەتپەن قاتىناس جاساعىن. ادام وي مەن جامان نيەتتەن اۋلاق بولىپ، ءوزىڭدى سەرگەك ۇستا.

***

جاۋاپكەرشىلىك

جاڭا عاسىر بىزدەن تىڭ يدەيالاردى تالاپ ەتىپ جاتىر. سوندىقتان، بۇرىڭعىدان دا كەڭ ءورىس، كوپشىل  كوزقاراس، ادامزاتقا اسا قاجەت بولىپ وتىر. تەك ءوزىڭنىڭ قامىڭدى كۇيتتەيتىن زامان كەلمەسكە كەتتى. «مەنىڭ عانا وتباسىم، اتا -تەگىم، رۋىم عانا»- دەپ تار شەڭبەردە شەكتەلمەي كۇللى ەلدىڭ، ەل-جۇرتىنىڭ جوعىن جوقتاپ، مۇڭىن مۇڭدايتىن  جاۋاپكەرشىلىك بىزگە جۇكتەلدى.

بەيسەنعازى ۇلىقبەك، 

قازاقستان جۋرناليستەر وداعىنىڭ مۇشەسى

Abai.kz