ەنەرگەتيكا جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبا جۇمىستارى 2025 جىلدىڭ ەكىنشى جارتىسىندا باستالادى دەپ جوسپارلانۋدا. بۇل تۋرالى قر ونەركاسىپ جانە قۇرىلىس ءمينيسترى ەرسايىن ناعاسپاەۆ ۇكىمەت وتىرىسىنىڭ قورىتىندىسى بويىنشا وتكەن بريفينگتە مالىمدەدى.

ول جوبا 2029 جىلعا دەيىن ەسەپتەلگەنىن اتاپ ءوتتى.

«مينيسترلىك سۋمەن جابدىقتاۋ جانە سۋ بۇرۋ جۇمىستارىنا جاۋاپتى، وعان شامامەن 1 ترلن تەڭگە جوسپارلانىپ وتىر. ەگەر، جاقىن ۋاقىتتا زاڭناماعا تۇزەتۋلەر ەنگىزىلەتىن بولسا، ەكىنشى جارتىجىلدىقتا جۇمىستى باستايىن دەپ وتىرمىز. مينيسترلىك ىشىندە بىرىڭعاي وپەراتور بولىپ «تكش ورتالىق» بەلگىلەندى. قازىرگى ۋاقىتتا جەتكىزۋشىلەردى ىرىكتەۋ بويىنشا كونكۋرستىق راسىمدەر ۇيىمداستىرۋ ەرەجەلەرى ازىرلەنىپ جاتىر»، — دەپ اتاپ ءوتتى ەرسايىن ناعاسپاەۆ.

سۋرەت: UKIMET تەلەگرام ارناسىنان الىندى.

ءوز كەزەگىندە ەنەرگەتيكا ۆيتسە-ءمينيسترى سۇڭعات ەسىمحانوۆ ۇلتتىق جوبانى جۇزەگە اسىرۋ ءۇشىن ۇزاقمەرزىمدى ينۆەستيتسيالار تارتىلاتىنىن جانە بۇل بيۋدجەتكە اسەر ەتپەيتىنىن ايتتى.

«قارجىلاندىرۋ رەسپۋبليكالىق جانە حالىقارالىق ينستيتۋتتار تاراپىنان جۇرگىزىلمەك. بۇگىندە جالپى قۇنى 120 ملرد تەڭگەنى قۇرايتىن 28 جىلۋ جوباسى، ال ەلەكتر جەلىلەرى بويىنشا 46-عا جۋىق جوبا تاڭدالدى. قازىر قارجى ينستيتۋتتارىمەن جۇمىس ىستەۋ ساتىسىندامىز»، — دەپ ءتۇسىندىردى سۇڭعات ەسىمحانوۆ.

سۋرەت: UKIMET تەلەگرام ارناسىنان الىندى.

جوبانى ىسكە اسىرۋ 2029 جىلعا قاراي جەلىلەردىڭ توزۋىن 40%-عا دەيىن تومەندەتۋگە مۇمكىندىك بەرەتىنى اتاپ ءوتىلدى.

Abai.kz