قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتىندە قر مادەنيەت جانە اقپارات مينيسترلىگىنىڭ باستاماسىمەن قورعانىس مينيسترلىگىمەن بىرلەسىپ ۇيىمداستىرىلعان اسكەري جۋرناليستيكا جانە داعدارىستىق كوممۋنيكاتسيالار بويىنشا سەمينار ءوتتى.

سۋرەت: gov.kz سايتىنان الىندى.

وعان كۇشتىك قۇرىلىمداردىڭ، مەملەكەتتىك ورگانداردىڭ، باق جانە ونلاين-قوعامداستىق وكىلدەرى قاتىستى.

مادەنيەت جانە اقپارات مينيسترلىگى اقپارات كوميتەتى توراعاسىنىڭ ورىنباسارى الىشەر مۇقاجان جانە قورعانىس مينيسترلىگى تاربيە جانە يدەولوگيالىق جۇمىس دەپارتامەنتى باق-پەن جۇمىس جونىندەگى باسقارماسىنىڭ باستىعى پودپولكوۆنيك ەريك مۋسين قۇتتىقتاۋ سوزىندە بۇقارالىق اقپارات قۇرالدارىنىڭ ماڭىزدى ءرولىن اتاپ ءوتتى.

سۋرەت: gov.kz سايتىنان الىندى.

جۋرناليستەر «توتەنشە جاعدايلار كەزىندەگى تجم مەن باق وكىلدەرىنىڭ ءىس-قيمىلدارىن ۇيلەستىرۋ جانە اقپاراتتىق ءوزارا ءىس-قيمىلى»، «توتەنشە جاعدايلارعا دەن قويۋدا اقپاراتتىق جۇيەلەردى قولدانۋدىڭ وزەكتى تاسىلدەرى»، «قازىرگى زامانعى قارۋلى قاقتىعىستاردا كۇرەس جۇرگىزۋدىڭ گيبريدتى ادىستەرى»، «مەدياگيگيەنا مەملەكەتتىك مىندەت رەتىندە: جەكە داعدىدان تۇراقتىلىق ينفراقۇرىلىمىنا دەيىن» دارىستەرىن تىڭدادى.

سەميناردا تابيعي توتەنشە جاعدايلار كەزىندەگى باق-تىڭ ءرولى اتاپ ءوتىلدى. جاپپاي سۋ تاسقىنى مەن جويقىن جەر سىلكىنىسى حالىققا ۇلكەن قاۋىپ توندىرەدى جانە قوعامنىڭ بارلىق ينستيتۋتتارىنىڭ ۇيلەستىرىلگەن ارەكەتىن تالاپ ەتەدى. مۇنداي جاعدايدا بۇقارالىق اقپارات قۇرالدارى حالىقتى سەنىمدى اقپاراتپەن قامتاماسىز ەتەتىن ومىرلىك ماڭىزدى بۋىن بولىپ تابىلادى. ۋاقتىلى بەرىلگەن جاڭالىقتار دۇربەلەڭنىڭ الدىن الۋعا كومەكتەسەدى، دالەلدەنگەن مالىمەتتەر مەن جالعان اقپاراتقا قارسى تۇرۋ حالىق پەن مەملەكەتتىك قىزمەتتەر اراسىنداعى بايلانىستى ساقتاۋعا مۇمكىندىك بەرەدى.

سۋرەت: gov.kz سايتىنان الىندى.

سەمينارعا قاتىسۋشىلار ءۇشىن قارۋلى قاقتىعىس ايماقتارىنداعى جۋرناليستەر جۇمىسىنىڭ ەرەكشەلىكتەرى تۋرالى بايانداما دا پايدالى بولدى. حالىقارالىق گۋمانيتارلىق زاڭعا سايكەس، قارۋلى قاقتىعىس ايماعىندا باق وكىلى ونى شابۋىلدان جانە زورلىق-زومبىلىقتان قورعايتىن ازاماتتىق مارتەبەگە يە. الايدا، ەگەر جۋرناليست قارۋلى قۇراماعا كىرىپ، قولىنا قارۋ السا نەمەسە كەز كەلگەن اسكەري نىسانداردىڭ جانىندا بولسا، ونى جوعالتادى.

سۋرەت: gov.kz سايتىنان الىندى.

دارىستەن كەيىن سۇراق-جاۋاپ سەسسياسى ءوتتى. ءىس-شارا سوڭىندا سەمينارعا قاتىسۋشىلار سەرتيفيكاتتار الدى.

Abai.kz