ماسەلە كوشەدە ەمەس، پارلامەنتتە شەشىلۋى كەرەك!
قازاقستان رەسپۋبليكاسى
پارلامەنتى ءماجىلىسىنىڭ توراعاسى
ە.ج. قوشانوۆ مىرزاعا!
قازاقستان رەسپۋبليكاسى
پارلامەنتى ءماجىلىسى اپپاراتىنىڭ
باسشىسى ر.ق. ايتاەۆ مىرزاعا!
قۇرمەتتى ەرلان جاقانۇلى!
قۇرمەتتى رەنات قۇرمەتجانۇلى!
الدىمەن، مەنىڭ تيمۋر قۇلىباەۆ پەن كارىم ءماسىموۆتىڭ ىقپالىمەن 2013 جىلى قابىلدانعان «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنىڭ كۇشىن جويىپ، قولدانىستاعى بارلىق زاڭدار مەن نورماتيۆتىك قۇجاتتاردى ۇلتتىق كاسىپكەرلەر پالاتاسىنان زالالسىزداندىرۋ تۋرالى ءماجىلىس توراعاسى مەن ءبىر توپ دەپۋتاتتىڭ اتىنا جولداعان «اشىق حاتىم» مەن ءوتىنىشىم ءوزىم دىتتەگەن دەپۋتاتتاردىڭ ءبارىنىڭ اتىنا تولىق تىركەلىپتى.
بۇل – مەن ۇسىنعان ۇسىنىستىڭ ساياي جانە ستراتەگيالى ءمانىن بىردەن تەرەڭ تۇسىنگەندىكتىڭ جانە ناعىز مەملەكەتشىلدىكتىڭ بەلگىسى دەپ باعالايمىن.
سول ءۇشىن، ءماجىلىسى اپپاراتىنىڭ باسشىسى رەنات ايتاەۆ مىرزاعا شىن جۇرەكتەن راحمەت ايتامىن!
قۇداي تىلەۋىڭىزدى بەرسىن، رەنات قۇرمەتجانۇلى!
وركەنىڭ قاۋلاپ ءوسسىن، باۋىرىم!
قۇرمەتتى ەرلان جاقانۇلى!
بيىل 19 ناۋرىزدا ءوزىڭىز دە ايتتىڭىز، «وتىز جىل بويى قازاقستاندا سۋپەرپرەزيدەنتتىك باسقارۋ فورماسى قولدانىلدى. الايدا، ۋاقىت وتە كەلە، ۇزاق جىلدار بويى جۇمىس ىستەگەن مودەل ۇلكەن ساياسي داعدارىسقا الىپ كەلدى. بۇعان نەگىزىنەن مەملەكەتىمىزگە ءبىر عانا ادام ۇستەمدىك ەتىپ، ەلدىڭ بار بايلىعىن ساناۋلى ادام يەلەنۋى سەبەپ بولدى. بۇل جايت قوعامنىڭ اشۋ-ىزاسىن تۋعىزدى جانە ەلدىڭ دامۋىن تەجەدى...»، - دەپ.
سول ءسىز ايتىپ وتىرعان مەملەكەتتى ۇلكەن ساياسي داعدارىسقا الىپ كەلگەن، مەملەكەتىمىزگە ءبىر عانا ادام ۇستەمدىك ەتىپ، ەلدىڭ بار بايلىعىن ساناۋلى ادام يەلەنۋىنە اپارىپ سوقتىرعان، قوعامنىڭ اشۋ-ىزاسىن تۋعىزعان جانە ەلدىڭ دامۋىن تەجەگەن – باسقا ەمەس، وسى «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭى!
ول از دەسەڭىز، 2011 جىلعى «جاڭاوزەن» وقيعاسىنىڭ، 2021 جىلعى «قاسىرەتتى قاڭتار قىرعىنىنىڭ تۋىلۋىنا، 17 جانە 238-ادامنىڭ قانىنىڭ توگىلۋىنە دە اپارىپ سوقتىرعان دا – وسى «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭى!
ەگەر، بۇل زاڭنىڭ كۇشى جويىلىپ، قولدانىستاعى زاڭدار مەن نورماتيۆتىك قۇجاتتار ۇلتتىق كاسىپكەرلەر پالاتاسىنان زالالسىزداندىرىلماسا، مۇنىڭ ارتى ودان ۇلكەن تراگەدياعا اپارىپ سوقتىرۋى ابدەن مۇمكىن!
سوندىقتان، اتالعان زاڭدى تەزدەتىپ جويۋدىڭ ءساتى مەن ساعاتى پىسىپ جەتىلدى. ەندى كەشىكسە، ارتى جاقسىلىققا اپارمايتىنى بەلگىلى!
قۇرمەتتى ەرلان جاقانۇلى!
ءوزىڭىز وتە جاقسى بىلەسىز، پرەزيدەنتىمىز قاسىم-جومارت توقاەۆ: «ءبىزدىڭ قوعامدى مازالاعان نەگىزگى ماسەلەلەر كوشەلەردە ەمەس، ازاماتتىق ديالوگ اياسىندا پارلامەنتتە شەشىلۋى ءتيىس. دەپۋتاتتار ءوزىنىڭ زاڭدى قۇقىعىن پايدالانىپ، ۇكىمەتكە وزەكتى ماسەلەلەر تۋرالى ساۋال جولداپ، ودان ناقتى شارالاردى قابىلداۋدى تالاپ ەتۋى كەرەك!», - دەپ ەدى عوي.
سوندىقتان، مەن تىنباي كوتەرىپ كەلە جاتقان قازاقستاننىڭ تيمۋر قۇلىباەۆ پەن كارىم ءماسىموۆتىڭ ىقپالىمەن 2013 جىلى 04 شىلدەدە قابىلدانعان «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭى ارقىلى ۋزۋرپاتسيالانعان مەملەكەت ەكەنى تۋرالى بۇل اسا كۇردەلى ماسەلە، قاسىم-جومارت كەمەلۇلى ايتقانداي، كوشەدە ەمەس، پارلامەنتتە شەشىلۋى كەرەك!
سول ءۇشىن دە مەن پرەزيدەنتىمىزدىڭ سول تاريحي ءسوزىن ەسكەرە وتىرىپ، سىزگە جانە ءبىربولىم ءماجىلىس دەپۋتتارىنا ارنايى ۇسىنىس جاساپ وتىرمىن.
ەسىڭىزدە بولسىن، ۋزۋرپاتسيانىڭ ءدال ءوزىن ايتپاعانمەن، ناقتى بەلگىلەرىن ءبىرىنشى بولىپ اشىق ورتاعا قويعان – قاسىم-جومارت كەمەلۇلى!
بۇل تۋرالى رەتى كەلگەندە، الداعى ۋاقىتتا ايتاتىن بولامىن...
قۇرمەتتى ەرلان جاقانۇلى!
قۇرمەتتى رەنات قۇرمەتجانۇلى!
قىسقاسى، «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنىڭ كۇشىن جويىپ، قولدانىستاعى زاڭدار مەن نورماتيۆتىك قۇجاتتاردى ۇلتتىق كاسىپكەرلەر پالاتاسىنان زالالسىزداندىرۋ – كەزەك كۇتتىرمەيتىن اسا ماڭىزدى ماسەلە.
مەن ەلىمىزدى ونداعان جىلدار بويى وراسان زور داعدارىسقا ۇشىراتقان وسىناۋ كۇردەلى ساياسي ماسەلەنىڭ «جاڭا قازاقستاننىڭ» نەمەسە «ادىلەتتى قازاقستاننىڭ» ءبىرىنشى شاقىرىلىم دەپۋتاتتارىنىڭ – سىزدەردىڭ قولدارىڭىزبەن شەشىلۋىن قالايمىن!
سول ءۇشىن، ەلىمىزدى ونداعان جىلدار بويى وراسان زور داعدارىسقا ۇشىراتقان وسىناۋ كۇردەلى ساياسي العاشقى ادامدا مەن ءوتىنىش جاساعان دەپۋتاتتارمەن ماعان كەزدەسۋ ۇيىمداستىرىپ بەرۋلەرىڭىزدى سۇرايمىن.
ەسكەرتۋ: 1 پاراق كەزدەسكىم كەلەتىن دەپۋتاتتاردىڭ ءتىزىمى قوسا تىركەلدى.
قۇرمەتپەن، اۋىت مۇقيبەك،
«قۇرمەت» وردەنىنىڭ يەگەرى
دەپۋتاتتار ءتىزىمى
- ەرلان قوشانوۆ (توراعا);
- باقتىقوجا ىزمۇحامبەتوۆ;
- نۇرتاي سابيليانوۆ;
- ەدىل جاڭبىرشين;
- سامات مۇساباەۆ;
- مارات باشيموۆ;
- ەربولات ساتىبالدين;
- قازىبەك يسا;
- مۇرات ابەنوۆ;
- باقىتجان بازاربەك;
- ابزال قۇسپان;
- ەرلان سايروۆ;
- ءادىل جۇبانوۆ;
- ەلنۇر بەيسەمباەۆ;
- امانجول ءالتاي;
- اسحات ايماعامبەتوۆ;
- رينات زايىت;
- بولات كەرىمبەك;
- اناس باققوجاەۆ;
- جاناربەك ءاشىمجانوۆ;
- ماقسات تولىقباي;
- نارتاي سارسەنعاليەۆ;
- باتىرحان ونباەۆ (جاڭادان قوستىم);
- بولاتبەك ناجمەتدينۇلى (جاڭدان قوستىم);
- جۇلدىز سۇلەيمەنوۆا (جاڭادان قوستىم);
- ءۇنزيلا شاپاق (جاڭادان قوستىم)...
Abai.kz
