قازىر اەس قۇرىلىسىنا قاتىستى قوعامدا قىزۋ تالقىلانىپ جاتقان ساۋالداردىڭ ءبىرى - اەس سالۋ قانشا تۇرادى؟ ساراپششىلار، ازىرگە جوبانىڭ ناقتى قۇنى تۋرالى ايتۋعا ەرتە ەكەنىن ايتادى.

بۇل بىرنەشە فاكتورعا بايلانىستى بولادى، ونىڭ ىشىندە:

1. ينجەنەرلىك-ىزدەستىرۋ جۇمىستارىنىڭ ناتيجەلەرى – ياعني، قۇرىلىس ۇدەرىسىنە جەردىڭ مەتەورولوگيالىق جانە سەيسمولوگيالىق جاعدايلارى قالاي اسەر ەتەتىنى. بۇل رەتتە قاۋىپسىزدىك ماسەلەسى باستى باسىمدىققا يە ەكەنىن ەسكەرۋ قاجەت;

2. جوبالىق جەتكىزۋشى قۇرامىنا كىرمەيتىن حالىقارالىق وندىرۋشىلەردىڭ جابدىقتارىن پايدالانۋ. مىسالى، زەرتتەۋ ناتيجەلەرىنە سايكەس، قۇرىلىس بارىسىندا كەيبىر ارنايى بولشەكتەر قاجەت بولۋى مۇمكىن، ال ولاردى تەك بەلگىلى ءبىر كومپانيالار وندىرەدى جانە ولار كونسورتسيۋم قۇرامىنا كىرمەۋى مۇمكىن;

3. اەس سالۋ جوسپارلانعان اۋماقتا قۇرىلىس ماتەريالدارى مەن جابدىقتاردى جەرگىلىكتى دەڭگەيدە ءوندىرۋ مۇمكىندىگى. بۇل تۇرعىدا جەرگىلىكتى وندىرىستىك جانە تەحنيكالىق ينفراقۇرىلىمنىڭ حالىقارالىق ساپا ستاندارتتارىنا ساي بولۋى ماڭىزدى;

4. لوگيستيكالىق، قارجىلىق جانە وزگە دە شىعىندار.

جالپى العاندا، اەس قۇرىلىسى ءوزىن-ءوزى اقتايدى، سەبەبى ول ەلدە يادرولىق يندۋستريانى دامىتۋعا جول اشىپ، ۇلتتىق ەكونوميكانىڭ جان-جاقتى وسۋىنە ىقپال ەتەدى.

Abai.kz