ەلوردادا شىلدەنىڭ 4-ءى مەن 10-ى ارالىعىندا اۋىر اتلەتيكادان ازيا چەمپيوناتى وتەدى.

اۋىر اتلەتيكا فەدەراتسياسىنىڭ مالىمەتىنشە، جاسوسپىرىمدەر مەن جاستار اراسىندا وتەتىن ازيا چەمپيوناتىنا 27 ەلدەن 300-گە جۋىق قاتىسۋشى جينالادى. قازاقستاندىق قىز-جىگىتتەر بارلىق جاس دەڭگەيىندە جانە بارلىق سالماقتا سىنعا تۇسەدى. ياعني، 32 سپورتشىمىز جۇلدەگە تالاسادى. ونىڭ ىشىندە ەدىگە ەمبەردى، ەراسىل ساۋلەبەكوۆ، ايانات جۇماعالي، اقجول قۇرمانبەك جانە دەنيس پولۋبويارينوۆ سىندى سپورتشىلار بار.

ۇلتتىق قۇراما وكىلدەرى قازىر الماتىداعى وليمپيادالىق دايارلاۋ ورتالىعىندا جاتتىعۋ وتكىزىپ جاتىر.

ايتا كەتەيىك، جاسوسپىرىمدەر مەن جاستار اراسىنداعى سوڭعى ازيا چەمپيوناتى بىلتىر قاتار استاناسى دوحادا ءوتتى. ۇلتتىق قۇراما وكىلدەرى 12 التىن، 9 كۇمىس جانە 12 قولا مەدال ەنشىلەپ، جالپى كوماندالىق ەسەپتە ءبىرىنشى ورىنعا جايعاسقان ەدى.

Abai.kz