.png)
قازاقستاندا اۆتوكولىك شينالارىنىڭ ءوندىرىسى ارتادى
2025 جىلى Tengri Tyres زاۋىتىندا 1 ملن-نان استام جەڭىل اۆتوكولىك شيناسى شىعارىلادى دەپ جوسپارلانىپ وتىر.
قازىرگى تاڭدا زاۋىت جازعى جانە قىسقى دوڭگەلەكتەردى وندىرەدى. كومپانيا باسشىلىعىنىڭ مالىمەتىنشە، ءونىم ىشكى نارىققا جانە رەسەيگە ەكسپورتتالادى.
«ءبىز ءالى تولىق وندىرىستىك قۋاتقا شىققان جوقپىز، سوندىقتان ەلىمىزدىڭ بارلىق ساۋدا نۇكتەلەرىندە ءبىزدىڭ برەندتىڭ شينالارىن تابا المايسىز. دەگەنمەن، دامىپ كەلەمىز، ءوندىرىس كولەمىن ارتتىرىپ جاتىرمىز. قازىرگى ۋاقىتتا زاۋىتتا 844 ادام جۇمىس ىستەيدى. جوسپار تۋرالى ايتساق، جەڭىل كولىك شينالارى بويىنشا زاۋىتتى تولىق قۋاتقا شىعارۋ كوزدەلىپ وتىر. ايتا كەتەيىن، جەڭىل كولىكتەرگە ارنالعان شينا ءوندىرىسىنىڭ جوبالىق قۋاتى – 3 ملن دانا. سونىمەن قاتار قازىرگى كەزدە جۇك كولىكتەرىنە ارنالعان شينالاردى جاپپاي وندىرۋگە كىرىسىپ جاتىرمىز»، –
دەدى «Tengri Tyres» جشس ديرەكتورى الەكساندر ۋستاۆششيكوۆ.
Abai.kz
