اقش، فرانتسيا، گەرمانيا جانە ۇلىبريتانيا يرانمەن يادرولىق كەلىسىمگە كەلۋدىڭ شەكتى مەرزىمى رەتىندە 2025 جىلدىڭ تامىز ايىنىڭ سوڭىن بەلگىلەدى.

باسىلىمنىڭ مالىمەتىنشە، اقش مەملەكەتتىك حاتشىسى ماركو رۋبيو مەن اتالعان ءۇش ەۋروپالىق ەلدىڭ سىرتقى ىستەر مينيسترلەرى دۇيسەنبىدە تەلەفون ارقىلى سويلەسىپ، ەگەر بەلگىلەنگەن مەرزىمگە دەيىن تاراپتار جاڭا كەلىسىمگە كەلە الماسا، يرانعا قاتىستى بۇرىن الىنعان سانكتسيالاردى قايتا ەنگىزۋ تەتىگىن ىسكە قوسۋ جونىندە كەلىسىمگە كەلگەن.

بۇل شارالار 2015 جىلى بۇۇ قاۋىپسىزدىك كەڭەسى اياسىندا جاسالعان يادرولىق كەلىسىم (JCPOA) شارتتارىنا سايكەس جۇزەگە اسىرىلماق. ياعني، ەۋروپانىڭ ءۇش مەملەكەتى سانكتسيالاردى اۆتوماتتى تۇردە قالپىنا كەلتىرۋ مەحانيزمىن ىسكە قوسۋدى كوزدەپ وتىر.