Freedom Holding Corp. 2026 فيسكالدىق جىلعى ءى توقساننىڭ قارجىلىق ناتيجەلەرىن جاريالادى، كومپانيا ءۇشىن ول اعىمداعى جىلعى 30 ماۋسىمدا اياقتالدى.

نەگىزگى كورسەتكىشتەر مىناداي سەرپىن كورسەتتى:

• ەسەپتى كەزەڭدەگى ءتۇسىم 533,4 ملن اقش دوللارىن قۇرادى، ونىڭ ءبىر جىل بۇرىنعى كورسەتكىشپەن سالىستىرعاندا 78,4 ملن اقش دوللارىنا (17%) ءوسۋى باعالى قاعازدارمەن جاسالعان وپەراتسيالار بويىنشا تازا پايدانىڭ ۇلعايۋى ەسەبىنەن بولدى. وعان قوسا، ءتۇسىمنىڭ وڭ سەرپىنىنە زەينەتاقى اننۋيتەتى جانە جازاتايىم وقيعالاردان ساقتاندىرۋ بويىنشا شارتتار سانىنىڭ ۇلعايۋىنا بايلانىستى قايتا ساقتاندىرۋدى شەگەرگەندە تاپقان ساقتاندىرۋ سىيلىقاقىلارى كولەمىنىڭ ءوسۋى اسەر ەتتى. سونداي-اق باسقا ەنشىلەس كومپانيالارداعى تاۋارلار مەن كورسەتىلەتىن قىزمەتتەردىڭ ءوسۋى وڭ اسەر ەتتى.
• Freedom Holding Corp. كومپانياسىنىڭ تازا پايداسى 30,4 ملن اقش دوللارىن قۇرادى. حولدينگ اكتسياسىنىڭ پايداسى 0,51 اقش دوللارىن قۇرادى*.
• حولدينگتىڭ اكتيۆتەرى 9,9 ملرد اقش دوللارىنان 9,7 ملرد اقش دوللارىنا ازايدى (-2%). مىندەتتەمەلەر 8,5 ملرد اقش دوللارىن (-3%) قۇرادى.

2026 فيسكالدىق جىلعى ءى توقساندا دەمەۋشىلىككە جۇمسالعان شىعىس 6.5 ملن اقش دوللارىنا ۇلعايدى. وعان توپتىڭ ەنشىلەس كومپانيالارى ارقىلى جۇزەگە اسىرىلعان بىرنەشە جارنا كىردى. ەسەپتى كەزەڭدە نەعۇرلىم ايتارلىقتاي دەمەۋشىلىك سالىم قازاقستاننىڭ QJ League جاسوسپىرىمدەر فۋتبول ليگاسىنا جۇمسالدى.

ەسەپتى كەزەڭدە كليەنتتەر قورى ءارى قاراي ءوستى: بروكەرلىك شوتتار 725 مىڭ (+43 مىڭ), ساقتاندىرۋ كومپانيالارىنىڭ كليەنتتەرى 1,4 ملن (+226 مىڭ), كورسەتىلەتىن بانك قىزمەتتەرىن پايدالانۋشىلار 3,0 ملن (+412 مىڭ).

2025 جىلعى 26 ماۋسىمدا S&P Global Ratings حالىقارالىق اگەنتتىگى حولدينگتىڭ نەگىزگى ەنشىلەس كومپانيالارى: «فريدوم فينانس» اق، Freedom Finance Global PLC, Freedom Finance Europe Ltd جانە «فريدوم بانك قازاقستان» اق-تىڭ رەيتينگتەرى بويىنشا بولجامدى «تۇراقتىدان» «ءپوزيتيۆتى» بولجامعا قايتا قاراپ، تاۋەكەلدى باسقارۋ جانە كومپلاەنس جۇيەسىن نىعايتۋ اياسىندا ۇزاق مەرزىمدى جانە قىسقا مەرزىمدى «ۆ+/ۆ» دەڭگەيىندەگى رەيتينگتەردى راستادى. ۇلتتىق شكالا بويىنشا «فريدوم فينانس» اق پەن «فريدوم بانك قازاقستان» اق-تىڭ رەيتينگتەرى «kzBBB»-تەن «kzBBB+»-كە دەيىن كوتەرىلدى. Freedom Holding Corp. كومپانياسىنىڭ رەيتينگى «ۆ-» دەڭگەيىندە راستالدى.

سونداي-اق، Freedom Holding Corp. كومپانياسى اكتسيالارىنىڭ 2025 جىلعى 27 ماۋسىمدا امەريكالىق نارىق جابىلعاننان كەيىن كۇشىنە ەنگەن جىل سايىنعى قايتا تەڭگەرىمدەۋ شەڭبەرىندە Russell 3000 يندەكسىنە قوسىلۋى ماڭىزدى وقيعا بولدى. Russell 3000 يندەكسى اقش-تىڭ ينۆەستيتسيالانعان اكتسيالار نارىعىنىڭ شامامەن 98%-ىن قۇرايتىن 3,019 ەڭ ءىرى امەريكالىق كومپانيالاردىڭ سەرپىنىن قاداعالايدى.

Abai.kz