بۇگىن ورتالىق سايلاۋ كوميسسياسىنىڭ وتىرىسىندا ساياسي پارتيالاردىڭ اتاۋلارىن سايلاۋ بيۋللەتەنىنە ەنگىزۋ رەتى ايقىندالدى. جەرەبە تارتۋ ءراسىمىن ورتالىق سايلاۋ كوميسسياسى توراعاسىنىڭ ورىنباسارى مۇحتار ەرمان وتكىزدى.

الدىمەن مەملەكەتتىك تىلدەگى اتاۋلارىنىڭ ءالىپبي تارتىبىمەن ساياسي پارتيالاردىڭ وكىلدەرى كەزەكپەن ۇستەلگە شاقىرىلدى. ولار ءوز قولدارىمەن ىشىندە ءنومىرى بار جابىق كونۆەرتتى سۋىرىپ الدى. سول نومىرمەن ولاردىڭ پارتياسى سايلاۋ بيۋللەتەنىندە كورسەتىلەتىن بولادى.

«ورتالىق سايلاۋ كوميسسياسىنىڭ وتىرىسىندا وتكىزىلگەن جەرەبە تارتۋدىڭ قورىتىندىسى بويىنشا، 2026 جىلعى 23 تامىزعا تاعايىندالعان قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋدا داۋىس بەرۋ كەزىندە ساياسي پارتيالاردىڭ اتاۋلارى سايلاۋ بيۋللەتەنىندە مىناداي رەتپەن ورنالاساتىن بولادى: 1. «ادىلەت» پارتياسى», 2. «جالپىۇلتتىق سوتسيال-دەموكراتيالىق پارتياسى», 3. قازاقستاننىڭ «بايتاق» جاسىلدار پارتياسى, 4. «قازاقستان حالىق پارتياسى», 5. «اۋىل» پارتياسى»,6. «اق جول» قازاقستاننىڭ دەموكراتيالىق پارتياسى», 7. «Respublica» پارتياسى». جەرەبە تارتۋ قورىتىندىلارى ورتالىق سايلاۋ كوميسسياسى مۇشەلەرىنىڭ ءتيىستى حاتتاماسىمەن بەكىتىلەدى»،- دەپ اتاپ ءوتتى وسك توراعاسىنىڭ ورىنباسارى مۇحتار ەرمان.

Abai.kz