الماتىدا  «Jas Camp» جاستار لاگەرى جۇمىسىن باستادى. جوبا الماتى قالاسى جاستار ساياساتى باسقارماسىنىڭ قولداۋىمەن جۇزەگە اسىرىلۋدا. بيىل اتالمىش جوباعا  100 قاتىسۋشى ىرىكتەلىپ الىنعان. ولاردىڭ قاتارىندا ستۋدەنتتەر، كوميۋنيتي-ورتالىقتاردىڭ رەزيدەنتتەرى، ۆولونتەرلەر، جاستاردىڭ ەكولوگيالىق قوزعالىستارىنىڭ وكىلدەرى جانە NEET ساناتىنداعى جاستار بار.

ولار 5 كۇنى بويى كوشباسشىلىق داعدىلارىن دامىتىپ، الەۋمەتتىك جوبالار جاساۋدى ۇيرەنەدى.

لاگەر باعدارلاماسىندا ترەنينگتەر، ماستەر-كلاسستار، فاسيليتاتسيالىق سەسسيالار، ۆوركشوپتار مەن مادەني ءىس-شارالار وتەدى دەپ جوسپارلانعان. مەنتورلار مەن ساراپشىلاردىڭ قاتارىندا  اسحات ابجانوۆ، كاميللا اكىمبەكوۆا، جانەل ساريەۆا، دانا شاياحمەت جانە باسقالار بار.

«Jas Camp – تەك ءبىلىم بەرۋ الاڭى عانا ەمەس، جاستار ءوز شەشىمدەرى مەن ءىس-ارەكەتتەرى ءۇشىن جاۋاپكەرشىلىكتى ۇيرەنەتىن ورتا بولماق. ءار كۇننىڭ باعدارلاماسىندا كوماندالىق ءوزارا ارەكەتتەستىكتى دامىتۋعا ارنالعان جاتتىعۋلار، قوعامداعى جەكە ءرولىن ءتۇسىنۋ تاجىريبەلەرى، سونداي-اق قالانىڭ قۇندىلىقتارى مەن بولاشاعى تۋرالى پىكىرتالاستار قاراستىرىلعان. ەرەكشە نازار ەكولوگيالىق مادەنيەت پەن جاستاردىڭ دامۋىنا اۋدارىلدى. باعدارلامانىڭ ماڭىزدى بولىگى – جاستاردا قورشاعان ورتاعا ۇقىپتى قاراۋ ادەتىن قالىپتاستىرۋ جانە الەۋمەتتىك بەلسەندىلىكتى ارتتىرۋ»، - دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.

ۇيىمداستىرۋشىلاردىڭ ايتۋىنشا، مۇندا جەكە تۇلعالىق وسۋگە، كوشباسشىلىق قاسيەتتەردى نىعايتۋعا جانە تەك جاستاردىڭ وزدەرىنە عانا ەمەس، بۇكىل مەگاپوليستىڭ بولاشاعىنا ماڭىزدى يدەيالاردى جۇزەگە اسىرۋعا جاعداي جاسالۋدا. جاس قاتىسۋشىلار  جاۋاپكەرشىلىكتى الۋدى، ستراتەگيالىق ويلاۋدى جانە ەكولوگيالىق مادەنيەتتى دامىتۋعا باعىتتالعان شارالارعا قاتىسادى.

Abai.kz