قازاقستان رەسپۋبليكاسىنىڭ پارلامەنتى — قازاقستانداعى ەڭ جوعارعى زاڭ شىعارۋشى ورگانى، ەكى پالاتالى پارلامەنتى. سەنات اتتى جوعارعى پالاتاسى جانە ءماجiلiس اتتى تومەنگى پالاتاسىنان تۇرادى.

باسشىلىعى:

سەنات توراعاسى ‑ ماۋلەن اشىمباەۆ، («امانات» پارتياسى)

4 مامىر 2020 جىلدان بەرى.

ءماجىلىس توراعاسى ‑ ەرلان قوشانوۆ، («امانات» پارتياسى)

1 اقپان 2022 جىلدان بەرى.

قۇرىلىمى:

سەنات فراكتسيالارى: پارتياسىز: 50 دەپۋتات

ءماجىلىس فراكتسيالارى: امانات - 62 دەپۋتات; اۋىل حدپپ - 8 دەپۋتات;      اق جول دپ - 6 دەپۋتات; Respublica - 6 دەپۋتات; قحپ - 5 دەپۋتات; جسدپ - 4 دەپۋتات. پارتياسىز: 7 دەپۋتات.

پرەزيدەنت ق.ك.توقاەۆ ءوزىنىڭ 2025 ج. قازاقستان حالقىنا جولداۋىندا بولاشاقتا ەلىمىزدەگى پارلامەنتتىك جۇيەدەگى وزگەرىستەر بولاتىنى تۋرالى ايتتى: ەكى پالاتالى پارلامەنت تاراتىلىپ، ورنىنا ءبىر پالاتالى پارلامەنت جاساقتاۋ كەرەكتىگىن ۇسىندى.

بۇل - قازاقستاندىقتار كوپتەن بەرى كۇتىپ جۇرگەن شەشىم بولاتىن.

دەگەنمەن، قوعامدا پارلامەنتكە قاتىستى وزگە دە سۇراقتار جەتكىلىكتى.

ماسەلەن، «كاسىبي پارلامەنتاريزم» ماسەلەسى ءالى دە وتكىر سۇراقتار قاتارىندا.

(ەجەلگى گرەك فيلوسوفى زامانىندا «پارلامەنتكە كىم كورىنگەندى ەمەس، ءبىلىمدى ادامداردى سايلاۋ كەرەك» دەگەن ءسوزى ءۇشىن، افينى قالاسىنىڭ دەپۋتاتتارى ونى ءولىم جازاسىنا كەسكەن ەدى).

مىنە، سوكراتتىڭ وسى ءسوزى بۇگىنگى قازاقستاندا دا وزەكتى بولىپ قالۋدا. ويتكەنى، ن.نازارباەۆ كەزىنەن  «پارلامەنت تەك اۆتوريتارلى بيلىكتىڭ نوتاريۋسى قىزمەتىن اتقارۋدا» دەگەن پىكىر ءالى دە بار. نەگە دەسەڭىز، بۇگىن دە كوپ دەپۋتاتتار ماجىلىسكە نە ءۇشىن كەلگەنىن وزدەرى دە بىلمەيتىندەي بولىپ كورىنەدى ‑ ءۇنسىز. ولاردىڭ «قىزمەتى»، ەگەر، بار بولسا، «ساناۋلى دەپۋتاتتار كوتەرەتىن ماسەلەلەردى تىڭداۋ» عانا سياقتى...

قانشاما جاسىرساق تا، بۇگىنگى «دەپۋتاتتىق شىندىق» وسى!

مۇنى قالاي تۇزەيمىز؟

ول ءۇشىن قوعام نە ىستەۋى كەرەك؟..

وسىنداي سۇراقتار لەگى كوبەيمەسە، ازاياتىن ءتۇرى جوق...

بۇگىن ءبىز وسى ماسەلەنى زەردەلەۋ ماقساتىندا العاشقى سۇراقتاردى جاريالاپ وتىرمىز. مۇندا «دەپۋتات بەلسەندىلىگى قانداي؟» دەگەن سۇراققا جاۋاپ الساق دەيمىز. ال، بولاشاقتا «قانداي ادام دەپۋتات بولماۋى ءتيىس؟»  دەگەن سۇراقتى دا كوتەرسەك دەيمىز...

ءبىز وسى سۇراقتار ارقىلى قوعامعا «دەپۋتات دەگەن كىم؟» دەگەن وي تاستاۋ قاجەت دەپ سانايمىز. سونىمەن، سىزدەردى تومەندەگى ەكى سۇراققا جاۋاپ بەرۋگە شاقىرامىز. رەسپوندەنتتەرگە الدىن الا العىس ايتامىز:

ساۋالناماعا قاتىسۋ ءۇشىن: Usbanov ARNASY تەلەگرام ارناسىنا كىرىپ، ساۋالعا جاۋاپ بەرىپ، پىكىر جازىڭىزدار.

1) سىلتەمەنى باساسىز...

2) ءارى قاراي، ساۋالناماعا بارىپ، پىكىر جازىڭىز...

Abai.kz