ءبىزدىڭ بۇگىنگى رەسمي قۇجاتتارىمىزدا ازاماتتاردىڭ اتى-ءجونى كەڭەستىك جۇيە ۇلگىسىمەن ءالى دە قاتە جازىلىپ ءجۇر.

ياعني، اۋەلى تەگى، سودان كەيىن اتى، سوڭىنان اكەسىنىڭ اتى كورسەتىلەدى.

بۇل – قازاق حالقىنىڭ عاسىرلار بويى قالىپتاسقان داستۇرىنە قايشى.

قازاقتىڭ دالا زاڭىندا ارقاشان:

ءبىرىنشى – ادامنىڭ ءوز اتى،

ەكىنشى – اكەسىنىڭ اتى،

ءۇشىنشى – تەگى (اۋلەتى، رۋى) جازىلىپ كەلگەن.

سوندىقتان دا قازاقستان رەسپۋبليكاسىنىڭ ازاماتىنىڭ اتى-ءجونى بىلايشا جازىلۋى ءتيىس:

جانىبەك سۇيەۋۇلى قوجىق

(قازىرگى قاتە جازىلۋى: قوجىق جانىبەك سۇيەۋۇلى).

بۇل ماسەلەنى تۇزەۋ – ۇلتتىق بولمىسىمىزدى ساقتاۋدىڭ، اتا-بابامىزدىڭ داستۇرىنە ادال بولۋدىڭ ءبىر جولى.

ادامدى ءوز اتىمەن اتاۋ – قازاقى تاربيەنىڭ، ۇلكەندى سىيلاۋدىڭ، ۇرپاق ساباقتاستىعىن قۇرمەتتەۋدىڭ كورىنىسى.

ءبىز رەسمي قۇجاتتارداعى وسى ولقىلىقتى تۇزەتىپ، قازاقتىڭ اتى-ءجونىن ۇلتتىق داستۇرگە ساي جازۋدى زاڭ جۇزىندە بەكىتۋدى تالاپ ەتەمىز!

ەگەر بۇل باستاما دۇرىس دەپ ساناساڭىزدار، قولداۋلارىڭىزدى سۇرايمىز.

حالىق بولىپ قولداساق – بيلىككە ناقتى تالاپ قويا الامىز!

ۇسىنىسىمىز: قازاقستان رەسپۋبليكاسى ازاماتتارىنىڭ اتى-ءجونى «اتى – اكەسىنىڭ اتى – تەگى» تارتىبىمەن رەسمي قۇجاتتارعا ەنگىزىلسىن!

سۋرەت: اۆتوردىڭ جەكە مۇراعاتىنان الىندى.

جانىبەك سۇيەۋۇلى قوجىق

ماڭعىستاۋ وبلىسى، وندى اۋىلى

Abai.kz