ەلىمىزدىڭ باتىسىندا تاعى ءبىر اەس پايدا بولۋى مۇمكىن. بۇل تۋرالى اتوم ەنەرگياسى جونىندەگى اگەنتتىگىنىڭ توراعاسى الماسادام ساتقاليەۆ ءمالىم ەتتى. 

وسى ورايدا كاسپي تەڭىزىنىڭ جاعالاۋى قاراستىرىلۋى ىقتيمال.

— ورىن ءالى ناقتىلانباعان. بۇل ءوڭىر شاعىن جانە ورتا قۋاتتى رەاكتورلارى بار اتوم ەلەكتر ستانتسياسىنىڭ الەۋەتتى ورنى رەتىندە قاراستىرىلىپ وتىر. وسى ورايدا ماگاتە-ءنىڭ بارلىق نەگىزگى نۇسقاۋىنا سۇيەنە وتىرىپ، جاقىن ارادا اتوم ەلەكتر ستانتسياسىن سالۋ مۇمكىندىگىنە قاتىستى ءتيىستى زەرتتەۋ جۇرگىزىلەدى.

بۇل باعىتتا سەيسميكالىق قاۋىپسىزدىكتى، سۋ قويماسىنىڭ بولۋى جانە سۋدى جەتكىلىكتى دەڭگەيدە قامتاماسىز ەتۋ جاعدايى قاراستىرىلادى. اتاپ ايتقاندا، اگەنتتىكتە اتوم ەلەكتر ستانتسياسىن سالۋ ءۇشىن باتىس ءوڭىردى زەرتتەۋ جوسپارى بار جانە ءبىز بۇل ۋچاسكەنىڭ بولاشاعى زور ەكەنىن ءتۇسىنىپ وتىرمىز، — دەدى دەدى الماسادام ساتقاليەۆ پارلامەنت ماجىلىسىندەگى ءباسپاسوز ءماسليحاتىندا.

بۇدان بۇرىن حابارلانعانداي، الماتى وبلىسىندا ەكى اتوم ەلەكتر ستانتسياسىن سالۋ جوسپارلانىپ وتىر.

Abai.kz