«ەرتاەۆقا قاتىستى سوت قاۋلىسى بۇگىن بۇزىلدى. ءوتىنىشىمدى قولداپ، ءادىل شەشىمگە ىقپال ەتكەن قر باس پروكۋراتۋراسى الماتى وبلىسىنىڭ پروكۋرورى مەن سوتىنا، سونداي-اق ماسەلەنى العاش كوتەرگەن جۋرناليستەر قاۋىمىنا العىس ايتامىن!» - دەپ جازدى ابزال قۇسپان ءوزىنىڭ جەلىدەگى پاراقشاسىندا.

مەملەكەت قارجىسىنان 144 ملرد تەڭگە ۇرلاپ، تۇرمەگە قامالعان جومارت ەرتاەۆ بۇدان بىرەر اي بۇرىن بوستاندىققا شىعىپ كەتكەنى ەدى. تانىمال دەپۋتات-ادۆوكات ابزال قۇسپان بۇل شەشىمگە قارسى قر باس پروكۋراتۋراسىنا پروتەست ءبىلدىرۋ جونىندە تالاپ ارىز جازعان ەدى. بۇگىن سول تالاپ ورىندالىپ، پروكۋراتۋرانىڭ قارسىلىق كەلتىرۋى بويىنشا جومارت ەرتاەۆ قايتادان قاماۋعا الىناتىن بولدى.

ەسكە سالساق، 2020 جىلدىڭ قاراشاسىندا جومارت ەرتاەۆ Bank RBK-تەن 2011–2017 جىلدار ارالىعىندا 144 ميلليارد تەڭگە جىمقىردى دەگەن ايىپپەن كىنالى دەپ تانىلىپ، 11 جىلعا باس بوستاندىعىنان ايىرىلعان ەدى. ول ءوز قىزمەتتىك وكىلەتتىگىن اسىرا پايدالانىپ، الدىن الا ءسوز بايلاسقان تۇلعالارمەن بىرگە قاراجاتتى زاڭسىز يەمدەنگەن. سونداي-اق، قىلمىستىق جولمەن الىنعان قارجى مەن مۇلىكتى زاڭداستىرعانى ءۇشىن دە جاۋاپقا تارتىلعان. كەيىن اپەللياتسيالىق سوت بۇل مەرزىمدى 9 جىلعا قىسقارتتى.

Abai.kz